Qyzylorda oblysynda jataqhanaǵa muqtaj úsh myń eki júz stýdentterdiń tek úshten bir bóligi stýdenttik jataqhanalardan orynmen qamtylǵan. Keıbir stýdenttik jataqhanalardyń tozyǵy jetip, arnaıy jóndeý jumystaryn qajet etip otyr.
Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qyzylorda oblysy boıynsha departamentiniń bastamasymen qurylǵan sybaılas jemqorlyqqa qarsy arnaıymonıtorıngtik top múshelerimen Qorqyt ata atyndaǵy Qyzylorda memlekettik ýnıversıteti, I.Ábdikárimov atyndaǵy Qyzylorda agrarlyq tehnıkalyq joǵary kolledji, M.Mámetova atyndaǵy Qyzylorda gýmanıtarlyq joǵary kolledji, Qyzylorda medısınalyq joǵary kolledji jáne Qazanǵap atyndaǵy Qyzylorda mýzykalyq kolledji jataqhanalary tekserildi.
Basty maqsat jataqhanalar qyzmetine qoǵamdyq baqylaý ornatý arqyly jemqorlyq kórinisterine jol bermeý jáne sybaılas jemqorlyq táýekelderin anyqtaý bolyp tabylady.
Reıd barysynda stýdenttik jataqhanalardyń maqsatty paıdalanýy, onyń ishinde, ózge sanattaǵy azamattardyń jáne otbasylardyń negizsiz turýyn boldyrmaý basty nazarǵa alyndy.
Arnaıy monıtorıngtik toptardyń júrgizgen qaraýy nátıjesinde stýdenttik jataqhanalarda otbasylardyń turyp jatýy anyqtalǵan joq.
Alaıda, qaraý barysynda I. Ábdikárimov atyndaǵy Qyzylorda agrarlyq-tehnıkalyq kolledjiniń stýdenttik jataqhanasynda ózge oqý oryndary stýdentteriniń negizsiz turyp jatýy anyqtaldy.
Reıdtik qaraý qorytyndysymen oblystyq bilim basqarmasyna tıisti usynystar engizilip, atalǵan kolledj dırektorynyń orynbasary Ǵ. Mamytov tártiptik jaýapkershilikke tartyldy. Reıdter aldaǵy jalǵasyn tabady.