Teatr jáne kıno rejısseri, qazylar alqasynyń múshesi Talǵat Temenovtiń aıtýynsha, «SAMGAU» VI festıvaline qatysýǵa 53 ujym ótinim bergen, onyń ishinen tek 12-si ǵana tańdap alynǵan.
Onyń altaýy el óńirlerinen, qalǵany alys-jaqyn shet elderden kelgen. Astananyń 20 jyldyǵyna arnalǵan festıvalde ár shyǵarmashylyq ujym úzdik qoıylymdaryn usyndy.
Onyń ishinen Maksım Gorkıı atyndaǵy Memlekettik akademııalyq orys drama teatry ujymynyń baǵy janyp, bas júldeni jeńip aldy. Sondaı-aq Qazaqstannyń halyq ártisi Gúljan Áspetova áıel beınesin bıik deńgeıde somdaǵany úshin úzdik dep tanyldy. Al «Jastar» teatrynyń ártisi Dáýren Serǵazın «Úzdik er adam beınesi» júldesimen marapattaldy.
Aıta keteıik, bas júldege 2 mln teńge qarjylaı syılyq berildi.