Qyzylorda qalasynyń ákimi Nurlybek Nálibekov ardager aqsaqaldardy mereıtoılarymen quttyqtady dep habarlaıdy «Egemen.Kz» tilshisi.
«Qazaqstannyń Qurmetti jýrnalısi», «Egemen Qazaqstannyń» uzaq jyldar boıy Qyzylorda oblysynda menshikti tilshisi bolǵan Japparhanov О́tegen aqsaqal seksenniń seńgirine shyqty. Al, «Qyzylorda oblysynyń qurmetti qaıratkeri» jáne «Aral aýdanynynyń qurmetti azamaty», «Qurmet belgisi» ordeniniń, «Eńbek ereni» medaliniń ıegeri Shapshanov Qýanyshqalı Rahmanberdiuly men «Eńbektegi erekshe eńbegi úshin», «Eńbek ardageri» medaldarynyń ıegeri Qudaıbergenov Amangeldi Seıdalyuly 75 jasqa tolyp otyr.
- Osy saltanatty sátti paıdalana otyryp, búgingi jastarǵa artqan senimderińiz úshin, aıtqan aqyldaryńyz ben úlgi bolar ónegeli isterińiz úshin sheksiz alǵysymyzdy aıtamyn. Biz sizderdiń ónegeli ómir joldaryńyz ben elimizdiń erteńi úshin jasaǵan bar ıgilikti isterińizdiń aldynda basymyzdy ıemiz,-degen qala ákimi, mereıtoı ıelerin Qyzylorda qalasynyń «Qurmet gramotasymen» marapattady.
Baqtııar TAIJAN,
«Egemen Qazaqstan»
QYZYLORDA OBLYSY