Oblys ákimi Qyrymbek Kósherbaev pen «Halyqaralyq jasyl tehnologııalar jáne ınvestısııalyq jobalar ortalyǵy» kommersııalyq emes aksıonerlik qoǵamynyń basshysy Rapıl Joshybaev áriptestik týraly Memorandýmǵa qol qoıdy.
Qyzylorda oblysyna «Halyqaralyq jasyl tehnologııalar jáne ınvestısııalyq jobalar ortalyǵy» KE AQ delegasııasy issaparmen keldi. Sapar barysynda delegasııa músheleri Syr óńirinde «jasyl» tehnologııalardy engizý jóninde májilis pen Qyzylorda oblysynda ınnovasııalyq tehnologııalardy engizý boıynsha áriptestik týraly Memorandýmǵa qol qoıý rásimine qatysyp, aımaqtyń birqatar nysanyn aralady.
Májilisti ashqan oblys ákimi Qyrymbek Kósherbaev óńirde «jasyl» ekonomıkaǵa kóshý jáne ınvestısııalardy tartý boıynsha júrgizilip jatqan jumystardy atap ótti.
«Jasyl» ekonomıkaǵa kóshý jónindegi tujyrymdamaǵa sáıkes oblysymyzda 7 baǵyt boıynsha jumys júrgizilip jatyr. Oblystyq bıýdjetten Qazaly jáne Qarmaqshy aýdandarynda qatty turmystyq qaldyqtar polıgonyn salýǵa qajetti qarajat bólindi. О́zderińiz biletindeı, Elbasynyń Joldaýynan týyndaǵan basty mindetteriniń biri – ınvestısııalardy tartý. Osy maqsatta oblysymyzda barlyq qyzmetterdi bir jerden alýǵa múmkindik beretin biryńǵaı Kásipkerlerge qyzmet kórsetý ortalyǵy jumys isteıdi. 2018 j. 5 aıynda negizgi kapıtalǵa tartylǵan ınvestısııalar kólemi 15,4 paıyzǵa ósip, 65,9 mlrd.teńgeni qurady», - dedi aımaq basshysy.
Atap óteıik, Kásipkerlerge qyzmet kórsetý ortalyǵynyń jumysy tolyqtaı avtomattandyrylǵan, sondyqtan tehnıkalyq sharttardy usyný merzimi 1 aıdan 3 jumys kúnine deıin qysqardy.
Máselen, 7 baǵyt sheńberinde elektr qýatyn únemdeý salasynda qyzý shamdaryn qýat únemdeıtin shamdarǵa aýystyrý jumystary belsendi júrgizilip, nátıjesinde kóshe jaryqtandyrý shyǵyndary 12 % azaıdy. Qaldyqtardy basqarý salasynda qatty turmystyq qaldyqtardy qaıta óndeıtin kompanııalar paıdalanylǵan avtokólik dóńgelekterin qaıta óndep, trotýar plıtalary men cherepısa shyǵaryp, rezeńke untaǵy men tamshylatyp sýarý úshin paıdalanylatyn jerasty qubyrlarynyń óndirisin qolǵa aldy jáne t.b.
«EKSPO-2017» kórmesi kezinde tanystyrylǵan jobalar aıasynda oblysta osy jobalardy júzege asyrý jumystary júrgizilip jatyr. Máselen, atom (ýran) ónerkásibi salasynda - 4 tehnologııa («Qyzylqum» JShS, «RÝ-6» JShS, «Baıken-U» JShS, «Semizbaı-U» JShS), ekologııa salasynda – 2 tehnologııa («Barsakelmes» qoryǵy, orman sharýashylyǵy); turǵyn úı-kommýnaldyq sharýashylyq salasynda – 1 joba (KETK). Atap aıtqanda, «KETK» AQ (elektr júıeleri kompanııasy) men «Siemens» kompanııasy arasynda «Smart grıd» qýatty únemdeý tehnologııasyn engizý týraly kelisimge qol qoıyldy.
О́z kezeginde, Rapıl Joshybaev Halyqaralyq jasyl tehnologııalar jáne ınvestısııalyq jobalar ortalyǵynyń «jasyl» jáne jańartylmaly qýat kózderi, qýat tıimdiligi men qýatty únemdeý, qatty turmystyq qaldyqtardy basqarý, turǵyn úı-kommýnaldyq sharýashylyǵy men aýyl sharýashylyǵy máseleleri boıynsha jergilikti atqarýshy organdarmen áriptestik ornatýdyń mańyzdylyǵyn atap ótti.
«Tehnıkalyq jáne ákimshilik qoldaý, sondaı-aq, jasyl ınvestısııalyq jobalardy súıemeldeý aıasynda ortalyq Qazaqstan aımaqtarynda «biryńǵaı tereze» qaǵıdasymen jumys isteıtin bolady. Sonymen qatar, jasyl tehnologııalar reestrin qalyptastyrý jáne júrgizý, al jergilikti atqarýshy organdarymen ózara áreket etý aıasynda óńirlik «jasyl jobalar kartasyn» ázirleý josparlanýda. Bul jumys QR aımaqtarynda áleýetti tómen kómirtekti jobalardy anyqtap, jasyl jobalardy irikteý ári júzege asyrý maqsatynda bıznes úshin tuǵyrnama jasaqtaýǵa jol ashady» , - dedi Rapıl Joshybaev.
Jıyn qorytyndysymen Qyzylorda oblysynda «jasyl tehnologııalardy» engizý jáne ınvestısııalardy, onyń ishinde halyqaralyq ınvestısııalardy tartý jóninde memorandýmǵa qol qoıyldy. Memorandým turaqty damý, ekologııa, «jasyl» energetıka men jańartylmaly qýat kózderi, qýatty únemdeý jáne tıimdi paıdalaný, sıfrlandyrý, qatty turmystyq qaldyqtardy óndeý jáne aýyl sharýashylyǵynyń turaqty damýy salasynda jobalardy júzege asyrý máseleleri boıynsha ózara áreket etýdi kózdeıdi.
Qyzylorda oblysyna jumys sapary aıasynda delegasııa músheleri Syrdarııanyń sol jaǵalaýyndaǵy jańa qala nysandaryn, avtokólik shınalaryn óndeýmen aınalysatyn «Smart Rabber» JShS, jáne oblys ortalyǵynyń birqatar óndiristik, áleýmettik jáne mádenı nysandaryn aralady.