Búgin Astanada Halyqaralyq Túrki akademııasy (TWESCO) uıymdastyrǵan «Uly dala» III Gýmanıtarlyq ǵylymdar forýmy ótip jatyr. Forým barysynda «Altaıstıka, Túrkologııa, Mońǵolıstıka Assosıasııasyn» qurý týraly sheshimge qol qoıyldy.
Bıylǵy forým Astana qalasynyń 20 jyldyq merekesi men Túrkistannyń aqıyq aqyny Maǵjannyń 125 jyldyǵyna, Shyńǵys Aıtmatovtyń 90 jyldyǵyna, Ázerbaıjan Halyq Respýblıkasynyń 100 jyldyǵyna arnalyp otyr.
Forýmnyń marapattaý rásiminen keıin «Altaıstıka, Túrkologııa, Mońǵolıstıka Assosıasııasyn» qurý sheshimniń qol qoıý rásimine Mońǵolııa Ǵylym akademııasynyń prezıdenti Redgel Dúgerıın, Reseı Ǵylymdar akademııasy Til bilimi ınstıtýtynyń aǵa ǵylym qyzmetkeri Oleg Mýdrak, Túrik til qurymynyń tóraǵasy Mustafa Kachalın men Halyqaralyq Túrki akademııasynyń prezıdenti Darhan Qydyráli qol qoıdy. Qysqasha ATAM dep atalatyn qaýymdastyq arǵytegi Altaıdan taraıtyn tamyrlas jurttyń murasyn zerdeleý jumysyn úılestiretin bolady.
«Alqaly bas qosýǵa alys jáne shet elderden belgili ǵalymdar qatysyp otyr. Bul óz kezeginde álemde gýmanıtarlyq ǵylymǵa degen suranystyń artyp kele jatqanyn kórsetedi. О́ıtkeni ǵylym, sonyń ishinde gýmanıtarlyq ǵylym elder men halyqtardy baılanystyratyn – altyn arqaý. Byltyrǵy forýmda túrkologııa, mońǵolıstıka, altaıstıka salalaryn birge damytý taqyryptary kóterilgen bolatyn. Bul bastama bıyl naqty nátıjesin berip otyr. Atalǵan qaýymdastyqtyń jylyna tórt ret shyǵatyn jýrnaly bolady. Sonymen qatar, osy serııa boıynsha arnaıy kitaptar shyǵaramyz. Altaıstıka, Túrkologııa, Mońǵolıstıka boıynsha serııalardy shyǵara bastaımyz. Qutty bolsyn», - dedi Darhan Qydyráli.
Aıa О́MIRTAI,
«Egemen Qazaqstan»