Senattyń Ekonomıkalyq saıasat, ınnovasııalyq damý jáne kásipkerlik komıtetiniń keńeıtilgen otyrysynda «Qazaqstan Respýblıkasynyń keıbir zańnamalyq aktilerine gaz jáne gazben jabdyqtaý máseleleri boıynsha ózgerister men tolyqtyrýlar engizý týraly» zań jobasy birinshi oqylymda qaraldy.
Zań jobasymen Ákimshilik quqyq buzýshylyq týraly kodesine, Kásipkerlik kodeksine, «Ruqsattar jáne habarlamalar týraly» jáne «Gaz jáne gazben jabdyqtaý týraly» zańdaryna túzetýler engiziledi.
Ákimshilik quqyq buzýshylyq týraly kodesine engiziletin túzetýler 2021 jyldan bastap gaz jelisi uıymdaryn akkredıtteý ınstıtýty taratylatyndyqtan osy uıymdardy akkredıtteýmen baılanysty normalar alyp tastaldy. Sondaı-aq suıytylǵan munaı gazynyń kóterme saýdadaǵy shekti baǵalaryn ónim berý jospary aıasynda elektrondyq saýda alańdarynan tys shekti baǵalarǵa aýystyrýǵa jáne suıytylǵan munaı gazyn tıep-jóneltý monıtorıngin júzege asyrýǵa baılanysty naqtylaý sıpatyndaǵy túzetýlerdi kózdeıdi.
Kásipkerlik kodeksine engiziletin túzetýler de joǵaryda atalǵan ózgeristerge baılanysty osy kodekstiń erejelerin naqtylaýǵa baǵyttalǵan.
«Gaz jáne gazben jabdyqtaý týraly» zańǵa engiziletin negizgi ózgerister Qazaqstannyń ishki naryǵyna ESA arqyly suıytylǵan munaı gazyn berýdiń jańa tetigin bekitý arqyly suıytylǵan gazdyń kóterme saýdadaǵy baǵalaryn kezeń-kezeńimen qaıta retteýge baǵyttalǵan.
Osy alańqaı arqyly satylatyn suıytylǵan munaı gazǵa Energetıka mınıstrligi bekitken túpkilikti baǵa qoıylmaıdy.
Sondaı-aq 2021 jylǵy 1 qańtardan gaz jelisi uıymdary arasynda suıyltylǵan munaı gazyn qaıta satýdy toqtatýǵa tyıym salý usynylady.
Zań jobasy Palatanyń qaraýyna usynyldy.