Atbegilikke qyzyǵýshylyq tanytatyndardyń qatary kóp bolǵanymen, at baptaý isi ekiniń biriniń qolynan kele bermeıtin dúnıe.
Degenmen, aýdanymyzdyń Kókterek aýyldyq okrýgindegi at baptaý isine yntaly azamattardyń qatary artyp keledi. Solardyń qatarynda kókterektik Nurbolat Ádetov pen Anarbek Jaılaýbaevtardyń esimderin atap aıtýǵa bolady. Atbegilerdiń tynys-tirshiligimen tanysýdyń sáti aýdan ákimi Abat Shynybekovpen birge mal qystaqtaryn aralaǵan kezde tústi.
Shaǵyn ǵana Orazǵalı aýylynda «Aqjol» sharýa qojalyǵyn quryp, atakásipti jandandyryp otyrǵan aǵaıyndy Qolǵanat pen Nurbolat Ádetovter tórt túlik mal ósirip qana qoımaı, tekti janýar jylqyǵa erekshe kóńil bóledi. Osy jigitterdiń at qorasynda joǵary qandy jáne asyl tuqymdy aǵylshyn jylqylary baǵylýda.
Atbegi Nurbolatty áńgimege tartqanymyzda bizdiń atqorada 15 báıge aty baptalyp kútilýde. Osy jylqylardyń kóbin Reseı jerinen satyp aldyq. Keıin ózimizdiń elimizdegi tekti jylqylardyń qulyndaryn da aldyq. Báıge attaryn baptaýdy qańtar aıynyń basynan bastaımyz. Qystaǵy daıyndyq myqty bolsa, sáıgúlik jazda báıge bermeıdi, al kóktem aıynan bastap daıyndalǵan at tez alqynyp qalady, deıdi. Sol sebepti qys aıy at baptaýdyń naǵyz taptyrmas ýaqyty. Attyń qyryn biletin adam ǵana attyń jan dúnıesin túsinedi, dedi.
Sonymen qatar bul qojalyqta qazatyń edilbaı qoıyn ósirýdi de durys jolǵa qoıǵan eken. Aýdanymyzdaǵy asyl tuqymdy mal ósirýmen aınalysatyn «Qamqor» sharýa qojalyǵynan 400 bas edilbaı toqtylaryn satyp alǵan. Taǵy bir baıqaǵanymyz eńbekqor azamattar mal bordaqylaýdy da qolǵa alǵan eken. Arnaıy orynda 20 bas iri qarany jemdep otyr.
Jylqy dese ishken asyn jerge qoıatyn atbegilerdiń biri, «Tólegen» sharýa qojalyǵynyń jetekshisi – Anarbek Jaılaýbaev degen azamat. Saryózen boıyndaǵy Kóktiken qystaǵynda ornalasqan aǵamyzdyń sharýashylyǵynda jylqy malyna arnap jańa úlgidegi at qora salynǵan. Bul qorada 10 asyl tuqymdy aǵylshyn attary baptalýda.
– Eger tulpardyń qanynda tektiligi bolsa, ol báıge bermeıtini anyq. Sol sebepten shamamyz kelgenshe asyl tuqymdy jylqylardy baptaımyz. Atbeginiń sózine súıensek, jylqynyń jaqsysy tamaqty da talǵap jeıtin kórinedi. Iаǵnı shyn júırik báıge aldynda qansha jem berseń de, tek mólsherimen jep, óz-ózin alamanǵa daıyndaıdy eken. Bul jylqy malynyń erekshe qasıeti, – deıdi atbegi.
Budan basqa Anarbektiń sharýashylyǵynda 200 bas iri qara, 100 bas jylqy, 1500-ge tarta qoı ósirilýde. Sondaı-aq jańa mal qoranyń da qurylysyn bastap qoıǵan.
Mine, biz osyndaı jarasymdy tirliktiń kýási boldyq.
Qaırat JAQYP,
Batys Qazaqstan oblysy,
Qaztalov aýdany