Eýrazııalyq Top (ERG) quramyndaǵy Sokolov-Sarybaı ken-baıytý óndiristik birlestigi «Altyn Gefest» respýblıkalyq baıqaýynyń laýreaty atandy. Baıqaý qorytyndysy Astanad qalasynyń mereıtoıy qurmetine 25-shi Dúnıejúzilik taý-ken kongresi aıasynda shyǵarylǵan bolatyn. «Jyl jobasy» atalymynda «Qashar kenishiniń taý-ken kóligi keshenin basqarýdyń avtomattandyrylǵan júıesi» atty jumys úzdik dep tanyldy.
«Aqyldy kenish» jobasy QR Prezıdenti Nursultan Nazarbaev qatysqan telekópir barynda iske qosylǵan bolatyn.
QR Eńbek jáne halyqty áleýmettik qorǵaý Mınıstrliginiń aqparaty boıynsha, jyl saıyn «Altyn gefest» ulttyq salalyq baıqaýyna 100-den astam úmitker ótinim bildiredi. Bıyl SSKО́B – solardyń qatarynda.
«Jyl jobasy» atalymynda ekonomıkalyq jáne áleýmettik ál-aýqatty arttyrý men óndiristik qaıta qurýdy kóbeıtýge baǵyttalǵan ázirlemeler negizge alynady. «SSKО́B» AQ mamandary engizgen ınnovasııa – «Qashar kenishiniń taý-ken kóligi keshenin basqarýdyń avtomattandyrylǵan júıesi» jobasy esh shúbá týdyrmady, sol sebepti de 2018 jyldyń eń úzdik jobasy den tanyldy.
Názıra Járimbet,
«Egemen Qazaqstan»
Rýdnyı