Búgin elimizdiń barlyq óńirindegideı aýdanymyzda da mektep bitirýshi túlekter Ulttyq Biryńǵaı testileý synaǵyn tapsyrýdy bastady.
Táıimbet Kómekbaev atyndaǵy №250 mektep-lıseıinde bastalǵan UBT synaǵyna qatysýshylardy aýdan ákimi Sultan Maqshov pen QR Bilim jáne ǵylym mınıstrliginiń ókili Músilim Mıramǵalı quttyqtap, sáttilik tiledi. Josaly kentindegi №250 mektep-lıseı bazasynda ornalasqan Ulttyq Birińǵaı Testileý ortalyǵynda 268 bitirýshi baǵyn synasa, erteń Aqaı aýylyndaǵy №99 mektep bazasynda, Baıqońyr qalasyndaǵy mektep bitirýshilerdi qosqanda 192 oqýshy arnaıy jabdyqtalǵan aýdıtorııalarda ulttyq birińǵaı test tapsyratyn bolady. Bıylǵy oqý jylynda aýdanda «Altyn belgini» 25, «Úzdik attestatty» 17 mektep bitirýshi ıelendi.
Bıylǵy mektep bitirýshi túlekteri arasynda aýdan ortalyǵyndaǵy 7 jáne eldi mekenniń 10 mektep túlekteri №250 metep-lıseıdegi UBT ortalyǵynda test synaǵyn tapsyrsa, erteń Aqaıdaǵy №99 orta mekteptegi UBT ortalyǵynda Baıqońyr qalasy men Tóretam kenti jáne Aqaı aýyldyq okrýgi mektep bitirýshi túlekteri test synaqtaryn tapsyrady.