Baıqońyr turǵyndary otandyq medısınanyń ıgiligin kóredi

Medısınalyq qyzmetpen qamtylady

Qazaqstan men Reseı úkimet­teriniń kelisimi boıynsha Baı­qońyr qalasynyń, Tóretam jáne Aqaı kentteriniń 48 myń tur­ǵyny qazir medısınalyq kómekti tek reseılik uıymdardyń tár­ti­bine saı alýda. Olardyń elimiz­diń zańnamalaryna sáıkes tegin medısınalyq kómekti, dárilik zattar men medısınalyq maq­sattaǵy buıymdardy tegin alýy, profılaktıkalyq medısı­nalyq tekserýden ótýi zań júzin­de qam­tamasyz etilmegen. Bul ol­qy­lyq­tyń ornyn toltyra­tyn qujat Májiliste maqul­dan­dy.

Atap aıtqanda, palata depýtat­tary «2009 jylǵy 17 qara­sha­daǵy Qazaqstan Respýblı­ka­synyń Úkimeti men Reseı Fede­ra­sııasynyń úkimeti arasyn­daǵy «Baıqońyr» keshenin jalǵa alý jaǵdaıynda Baıqońyr ǵarysh aılaǵynyń personalyna, Baıqońyr qalasynyń, Tóretam jáne Aqaı kentteriniń turǵyn­daryna medısınalyq qyzmet kórsetý tártibi týraly kelisimge ózgerister engizý týraly hattamany ratıfıkasııalaý týraly» zań jobasyn biraýyzdan maquldady.

Atalǵan zań jobasyn depýtat­tarǵa tanystyrǵan Densaýlyq saqtaý mınıstri Eljan Birtanov bul qujattyń artyqshylyqtary jaıynda baıandady.

– Qazir Baıqońyr qalasy turǵyndarynyń qoljetimdi joǵary mamandandyrylǵan medısınalyq kómek alýǵa múmkin­digi joq. Bul múgedek adam­dar­dyń ómiriniń jáne jalpy ómir súrý sapasynyń tómen­deý qaýpin ulǵaıtady. Qolda­nys­taǵy kelisimge ózgerister engizý týraly hattama jobasy Baıqońyr qalasynda, Tóretam jáne Aqaı kentterinde turatyn elimizdiń azamattaryna ulttyq zańnamaǵa sáıkes, Qazaqstan densaýlyq saqtaý mekemeleriniń medısınalyq qyzmet kórsetýine múmkindik beredi», – dedi Densaý­lyq saqtaý mınıstri.

E.Birtanovtyń aıtýynsha, Baıqońyr qalasynda osydan eki jyl buryn Qyzylorda oblystyq medısınalyq ortalyǵynyń fılıaly ashylǵan. Bul mekemede táýliktik 60 oryndyq jáne kúndizgi stasıonarǵa 20 oryndyq palatalar uıymdastyrylǵan. Sonymen qatar fılıal janynan 30 myń adamǵa laıyqtalǵan em­hana ashylǵan. Oǵan qosa alda­ǵy jyly operasııalyq, rea­nı­masııalyq, hırýrgııalyq bólim­der ashý kózdelgen.

Sondaı-aq atalǵan hattama qazir jetispeı otyrǵan jalpy táji­rı­belik dárigerler sanyn kóbeı­tip, aýrýhana men emhanany salalyq dárigerlermen qamtý­ǵa múmkindik bermek. Osy maq­sat­ta qazirdiń ózinde elimizdiń medısı­na­lyq joǵary oqý oryndaryn biti­retin túlektermen kelisimder jasa­lyp, Qyzylorda qalasynan bilik­ti dárigerlerdi aýysymmen ba­ǵyt­tap otyrý jospary bekitilgen.

Depýtattardyń saýaldary­na oraı Densaýlyq saqtaý mınıstri Qyzylorda oblystyq medı­sınalyq ortalyǵynyń Baıqońyr qalasyndaǵy fılıalynda osy aýmaqqa jaqyn orna­lasqan eldi meken turǵyndarynyń da emdele alatyndyǵyn jetkizdi. Biraq olar Baıqońyr qalasyna kirýdiń jalpyǵa ortaq tártibine saı ruqsat qaǵazdaryn aldyn ala rásimdeýleri qajet.

Májilis depýtattary atalǵan zań jobasyn tutastaı maquldady.

Senattyń túzetýleri qaraldy

Jalpy otyrysta Májilis depýtattary Úkimettiń azamattyq qorǵanys, tótenshe jaǵdaılardyń aldyn alý jáne joıý salasyndaǵy yntymaqtastyq týraly Iordan Hashımıt Koroldigimen jasalǵan kelisimin ratıfıkasııalaý týraly zań jobasyn maquldady.

Sonymen qatar Májilis depýtattary Senattyń keıbir kons­tı­týsııalyq zańdar, saılaý máse­leleri, saqtandyrý jáne saq­tan­dyrý qyzmeti, baǵaly qaǵazdar na­ry­ǵy týraly túzetýlerin qarady.

Máselen buǵan deıin Senat depýtattary saılaý máselelerine baılanysty zań jobasynan qala, aýyl, aýyldyq okrýg ákimderin jalpyǵa birdeı teń tóte saılaý týraly normany alyp tastap, qujatty Májiliske jibergen bolatyn. Osy oraıda Májilistiń Zańnama jáne sot-quqyqtyq reforma komıteti Senat engizgen ózgertýlerdi qarastyra kele óz usynysyn bildirdi.

– Senat usynǵan túzetýler aýdan­dyq mańyzdaǵy qala, aýyl, aýyl­dyq okrýg ákimi laýazymyna saılaýda qoldanystaǵy tártipti saqtaýǵa baǵyttalǵan. Osy oraıda komıtet Senat en­giz­gen ózgeristermen kelisýdi usy­nady, – dedi Májilis depýtaty Svetlana Bychkova.

Osy otyrysta Májilis birqa­tar zań jobalary boıynsha be­ıin­di komıtetterge qory­tyn­dy ázirleý merzimderin bel­giledi. Olar­dyń qatarynda «Qazaq­stan Respýblıkasynyń keıbir zań­na­malyq aktilerine memle­ket­tik qyzmet jáne sybaılas jem­qor­lyqqa qarsy is-qımyl máse­leleri boıynsha ózgerister men tolyq­tyrýlar engizý týraly», «Tarıhı-mádenı mura obek­ti­l­erin qorǵaý jáne paıdala­ný týraly», sondaı-aq kólik máse­le­lerine baılanysty jáne Eýr­azııa­­lyq ekonomıkalyq odaqta taýar­­lardy sáıkestendirý qural­da­ry­men tańbalaý týraly kelisim­di ra­tı­fıkasııalaý týraly zań jobalary bar.

Jalpy otyrys sońynda halyq qalaýlylary birqatar mem­­le­kettik organdardyń bas­shy­­lary­na depýtattyq saýaldar joldady.

Serik ÁBDIBEK,

«Egemen Qazaqstan»