Londonnyń «Arsenal» klýbynyń jartylaı qorǵaýshysy Djek Ýılsher komandadan ketetinin málimdedi.
26 jastaǵy anglııalyq fýtbolshy «kanonırler» sapynan ketetinin óziniń áleýmettik jelidegi paraqshasynda jarııalady. Sheteldik BAQ taratqan málimetke qaraǵanda, Ýılsher komandanyń jańa bas jattyqtyrýshysy Ýnaı Emerımen bolǵan aradaǵy áńgimeden soń, «Arsenalmen» kelisimshartyn uzartpaýǵa sheshim qabyldaǵan.
Málimet retinde aıta keteıik, Djek Ýılsher «Arsenal» klýbynda 2008 jyldan beri dop teýip keledi. Ol ótken 10 jyl aralyǵynda 197 ret jasyl alańǵa shyǵyp, qarsylastar qaqpasyna 14 gol soqqan.
Daıyndaǵan Álı BITО́RE,
«Egemen Qazaqstan»