Búgingi tańda otandyq medısına damyp, álemniń damyǵan elderimen básekelese alatyndaı dárejege jetti. Árıne medısına ǵylymynyń qaryshtap damýy azamattardyń densaýlyǵyn nyǵaıtýǵa úlken septigin tıgizetini anyq.
Qazirgi kezde qaýipti qaterli dertterdiń aldyn alý, ony boldyrmaý sharalary elimizde joǵary dárejede qolǵa alyndy. Sonymen qatar, aǵza aýystyrý jumystary da óz kezeginde bıik deńgeıde atqarylyp keledi.
Transplantasııa – búginde hırýrgııanyń aıtýly jetistigi retinde belgili. Elimiz boıynsha osy ýaqytqa deıin Taraz qalasynda turǵyndarǵa kardıohırýrgııalyq kómekter kórsetilip keldi. Bul jumystardyń bári de sátti bolǵan bolatyn. Osy oraıda Taraz qalasyndaǵy professor Seıithan Joshybaev basqaratyn «Kardıohırýrgııa jáne transplantologııa ǵylymı-klınıkalyq ortalyǵynyń» atqaryp otyrǵan jumysy az emes. Atalǵan klınıka mamandarynyń on jyldyq tynymsyz izdenisteriniń nátıjesinde óńirde jýyrda búırek almastyrý otasy sátti jasaldy.
Bul – Taraz qalasynda tuńǵysh ret jasalǵan búırek almastyrý otasy. Ota jambyldyq azamat Erlanǵa jasaldy. Erlannyń aǵasy Rýslan inisine bir búıregin berip, baýyrmaldyqtyń, azamattyqtyń naǵyz úlgisin tanytty. Erlan bir úıdiń kenje uly eken. О́kinishke qaraı, ol 2007 jyldan beri búırek aýrýynyń zardabyn tartyp keledi. Naýqastyń anasy Mıra Keritbaevanyń aıtýynsha, tipti sońǵy ýaqytta Erlannyń eki búıregi birdeı jumys istemeı qalypty. Qys boıy aıyna birneshe ret aýrýhanaǵa jatyp, gemodıalız arqyly em de qabyldaǵan eken. Buǵan qosa qan qysymy kóterilip kete beretindi shyǵarady. Sóıtip júrgende, dárigerler Taraz qalasyndaǵy «Kardıohırýrgııa jáne transplantologııa ǵylymı-klınıkalyq ortalyǵyna» qaralýǵa keńes beredi. Al atalǵan klınıkanyń mamandary Erlanǵa búırek almastyrý otasyn jasaý qajettigin, alaıda oǵan donor kerek ekenin eskertedi. Osy kezde Ekibastuz qalasynda jumys isteıtin aǵasy Rýslan úıine kelip, baýyrynyń jaǵdaıyn kórgen soń bir búıregin inisine berýge sheshim qabyldaıdy. Nátıjesinde Erlanǵa ota sátti jasaldy.
Operasııany Qazaqstan Respýblıkasynyń aǵzalardy transplanttaý jónindegi ulttyq úılestirýshisi Jaqsylyq Dosqalıev jasady. Búırek almastyrý otasyn kórshi Qyrǵyz Respýblıkasynan jáne elimizdiń ózge de óńirlerinen kelgen hırýrgtar tikeleı translıasııa arqyly kórý múmkindigine ıe bolyp, ózara tájirıbe almasty. Jaqsylyq Dosqalıevtiń aıtýynsha, Jambyl óńiri boıynsha qazirgi kezde 100 adam donor búıregin kútýde eken. Shynynda da naýqastyń jaǵdaıyn túsinip, oǵan donor bolý ońaı emes. Ol úshin júrek pen jiger kerek. Al Rýslannyń bul erligi ózge azamattarǵa da úlgi árıne.
Sátti otadan keıin Qazaqstan kardıohırýrgteri jalaýynyń kóterilýine arnalǵan jıyn ótip, professor Seıithan Joshybaev transplantasııany jasaý úshin kóptegen daıyndyq jumystarynyń júrgizilgenine toqtaldy. Búgingi tańda áýeli kardıohırýrgııalyq ortalyq bolyp ashylǵan emdeý mekemesi az ýaqyttyń ishinde transplantologııalyq ǵylymı-klınıka deńgeıine kóterildi. О́z sózinde Jaqsylyq Dosqalıev transplantasııa otasyn jasaýǵa atalǵan mekemeniń materıaldyq-tehnıkalyq bazasynyń saı ekenin aıtsa, Qyrǵyz Respýblıkasy, Talas oblystyq aýrýhanasy bas dárigeriniń orynbasary Almas Asynbaev joǵary deńgeıli klınıkada aǵza almastyrý otasynyń sátti júzege asqanyn joǵary jetistik retinde baǵalady. Sonymen qatar, Jambyl oblystyq densaýlyq saqtaý basqarmasy basshysynyń orynbasary Hamıt Myrzaqasymov, medısına ǵylymdarynyń doktory Saǵyndyq Ordabekov transplantasııalyq otanyń sátti jasalýy Jambyl óńiri ǵana emes, elimiz úshin de eleýli oqıǵa ekenin jetkizdi.
Hamıt Esaman,
«Egemen Qazaqstan»
Jambyl oblysy