Aqtóbe oblysynda qarjy uıymynyń ozyq tehnologııamen jabdyqtalǵan bólimshesi qyzmet kórsete bastady.
"ForteBank – eldiń iri jáne turaqty bankteriniń biri. Búgin qol qoıǵan strategııalyq yntymaqtastyq týraly memorandým birlesken jobalardy iske asyrý úshin negiz bolady jáne bizdiń óńirdiń ekonomıkalyq damýyna óziniń qomaqty úlesin qosady dep oılaımyz", dedi Aqtóbe oblysynyń ákimi Berdibek Saparbaev ekinshi deńgeıli bank bólimshesiniń ashylý rásiminde.
Aqtóbede barynsha jaıly ári ozyq tehnologııalar ornatylǵan ForteBank jańa biregeı bólimshesi saltanatty jaǵdaıda qyzmet kórsetýdi bastady. Banktiń basqarma tóraǵasy Gýram Andronıkashvılıdiń aıtýynsha, «ForteBank eldiń barlyq óńirlerinde jańa formattaǵy joǵary tehnologııaly bólimshelerin ashýdy jalǵastyrýda. Qarjy uıymy ótken jyly Qazaqstannyń segiz qalasynda jańartylǵan ofısterin tanystyrǵan. Bıyl taǵy tórt fılıalyn ashýdy josparlap otyr.
«Bizdiń ofıster, The Financial Brand (AQSh) basylymynyń habarlaýynsha, álemdegi bank bólimsheleriniń úzdik dızaıyndarynyń qatarynan tabyldy. Biz óz klıentterimizdiń ómir súrý sapasy kúnnen kúnge jaqsarýy úshin ınnovasııalar men tehnologııalarǵa kóp kóńil bólemiz. Jańa servıster qura otyryp, kezekte turýdy boldyrmaýǵa jáne bankpen barlyq ózara is-qımyl barysyn barynsha tartymdy, jaıly jáne paıdaly etip jasaýǵa umtylamyz», - dep atap ótti Gýram Andronıkashvılı.
Jańartylǵan ofıster - ForteBank zamanaýılyǵy men ınnovasııalylyǵynyń mańyzdy kórsetkishi. Intererdiń tujyrymdamasy men stıli ıtalııalyq DINN dızaınerlik kompanııasynyń kásibı mamandarymen muqııat ázirlendi. Ofıstiń qurylymynda klıentterdi kezekte turýdan bosatatyn ózine-ózi qyzmet kórsetý aımaqtary, bankomattar men termınaldarǵa táýlik boıy qoljetimdilik qarastyryldy. Bank konsýltanttary ForteBank mobıldik qosymshasynyń kómegimen onlaın-qyzmetterdi qalaı paıdalaný kerektigin egjeı-tegjeıli aıtyp beredi, ol óziniń ıntýısııalyq dostyq ınterfeısimen tańqaldyrady, óte qolaıly ári túsinikti, paıdalanýshy eshkimniń kómeginsiz baǵdarlamamen qalaı jumys isteý kerektigin birden túsinedi.
Banktiń mobıldik qosymshasy eldegi barlyq bank kartalarynyń paıdalanýshylary úshin ashyq. Kez kelgen banktiń klıenti bola turyp, siz ForteBank qosymshasyn júkteı alasyz jáne barlyq qyzmetterdi paıdalana alasyz. 2017 jyly banktiń mobıldik qosymshasy Qazaqstanda №1 jáne reseılik Markswebb taldamalyq agenttiginiń habarlaýynsha TMD-daǵy 10 úzdiktiń qatarynda tanyldy. Qazaqstannyń barlyq bankteriniń tólemdik kartalaryn paıdalanýshylar úshin ForteBank mobıldik qosymshasynda 350-den astam qarjylyq qyzmetter qol jetimdi. Banktiń servısin 100 myńnan astam qazaqstandyq baǵalady. Mobıldi qosymsha arqyly aı saıyn 2 mln-ǵa jýyq tranzaksııa jasalady.
Saltanatty ashylý rásiminde ForteBank pen Aqtóbe oblysynyń ákimdigi arasynda óńirdiń damýyna yqpal jasaıtyn jobalardy iske asyrýǵa, sondaı-aq halyqqa sapaly bank qyzmetterin kórsetýge qatysty yntymaqtastyq týraly memorandýmǵa qol qoıyldy.
«Búgingi tańda ForteBank eldiń iri jáne turaqty bankteriniń biri. Biz Aqtóbede ForteBank fılıalynyń jańa ári qazirgi zamanaýı ofısiniń ashylǵanyna qýanyshtymyz. Búgin qol qoıǵan strategııalyq yntymaqtastyq týraly memorandým birlesken jobalardy iske asyrý úshin negiz bolady jáne bizdiń óńirdiń ekonomıkalyq damýyna óziniń qomaqty úlesin qosady dep oılamyz», - dedi óz kezeńinde Berdibek Saparbaev.
Qazirdiń ózinde bank óńirde halyqqa jáne kompanııalarǵa qyzmet kórsetý boıynsha kóshbasshy oryndarǵa nyq senimmen shyǵýda. ForteBank oblystyq fılıalynyń klıentteriniń 35 000-nan astamy jeke tulǵalar bolsa, 3000-ǵa jýyq kásipkerler.
ForteBank – «Bıznestiń jol kartasy 2020» baǵdarlamasynyń belsendi qatysýshysy, al Aqtóbe oblysyndaǵy fılıal birneshe ret bólingen qarajattardy ıgerý qarqyny boıynsha kóshbasshy boldy. 2017 jyldyń qorytyndylary boıynsha 4 mlrd. teńge somaǵa 20 jobany qarjylandyrdy.