Parlament Senatynyń jalpy otyrysynda Ulttyq banktiń tóraǵasy teńge baǵamyna qatysty túsinik berdi, dep habarlaıdy QazAqparat.
2015 jyldan beri Qazaqstanda aıyrbas baǵamynyń erkin rejimi iske qosylǵanyn eske salyp ótken ol, Ulttyq bank valıýtalyq saýdaǵa aralaspaıtynyn, baǵam tek suranys pen usynys negizinde qalyptasatynyn jetkizdi.
«Bizdińshe, qazir oryn alyp otyrǵan jaǵdaı barlyq turaqsyz damyp otyrǵan naryqtardyń elementi. Iаǵnı barsha álemde damýshy valıýtalar AQSh dollaryna qarsy álsireıdi. Biz ekonomıkasy ashyq elmiz, sondaı-aq álemdik prosesterge, qarjylyq naryqtarǵa yqpaldasqanbyz. Sáıkesinshe, bul prosester Qazaqstanǵa da áser etetini anyq. Barlyq iri damýshy elder, ıaǵnı Reseı, Túrkııa jáne Argentına ózderiniń valıýtalaryn birtindep devalvasııalaýda. Osy oraıda aqshanyń álsireýi oryn alýda, teńgege de áser etti, alaıda teńgeniń qubylmalyǵy dárejesi aıtarlyqtaı tómen», - dedi ol.
Sonymen qatar ol teńge baǵamyna makroekonomıkalyq ári irgeli faktorlar yqpal etetinin atap ótti. «Bul óz kezeginde bizdiń eksporttyq taýralarǵa, munaıǵa qatysty. Búginde bul ónimderdiń quny óte joǵary. Osy oraıda tólem balansy turaqty ekenin ańǵartady. Atap aıtqanda, barlyq damýshy naryqtardyń álsireýi maýsymdyq sıpatqa ıe», - dedi Danııar Aqyshev.
Bul turǵyda ol Qazaqstanda shetel valıýtasyna suranys joǵary ekenin sóz etti.
«Adamdar jazǵy demalystarda shetelge barady, balalaryn ózge elderge oqýǵa jiberip jatady. Al qalǵan azamattarǵa aıyrbas beketterine júgirmeýge usynys berer edim. О́tken jyly da osyndaı jaǵdaı bolǵan edi. Shetel valıýtasynda esep aıyryspaıtyn adamdarǵa qazirgi kezde valıýtalyq naryqta operasııalarǵa qatyspaýyna keńes beremin», - dedi UB basshysy.
Bul turǵyda ol Qazaqstanda shetel valıýtasyna suranys joǵary ekenin sóz etti.
«Adamdar jazǵy demalystarda shetelge barady, balalaryn ózge elderge oqýǵa jiberip jatady. Al qalǵan azamattarǵa aıyrbas beketterine júgirmeýge usynys berer edim. О́tken jyly da osyndaı jaǵdaı bolǵan edi. Shetel valıýtasynda esep aıyryspaıtyn adamdarǵa qazirgi kezde valıýtalyq naryqta operasııalarǵa qatyspaýyna keńes beremin», - dedi UB basshysy.