Abaı atyndaǵy Qazaq memlekettik akademııalyq opera jáne balet teatrynda alǵash ret Almaty qalasynyń fotosýretter jáne sýretter, zamanaýı teledıdarlar QLED ozyq múmkindikterin paıdalana otyryp, ınnovasııalar kórmesi ótti.
Jaýhar jaryqtar almaly qalanyń aıshyqty tynysyn tanyta túsedi. Qala ortasyndaǵy Panfılov kóshesi jaıaý júrginshilerdiń erkin qozǵalatyn ári demalatyn ortalyqqa aınalǵan. Kóshe boıynda arnaıy oryndyqtar. Sýsyn satatyn oryndar, balalar oınaıtyn alańdar jasaqtalǵan kósheniń uzyna boıyna qol óner buıymdary satylatyn bazarlar uıymdastyrylǵany da aıtýǵa turarlyq.
Kórmede ońtústik Astana qonaqtary men qala turǵyndary aldynda myń boıaýly shahardyń merekesin tanytatyn sharada Almaty qalasynyń ákimi Baýyrjan Baıbek pen QLED Samsung Elektronics Central Eurasia kompanııasynyń prezıdenti Ben Iýn sóz sóıledi, megapolıstiń ómirindegi ınnovasııalyq sheshimderdiń túsinistikpen júzege asyp jatqany kóńil qýantady.
Almaty qalasynyń ákimi Baýyrjan Baıbek elimizdiń egemendiginiń aldynda daryndy sheshimder qabyldanǵan Qazaqstannyń burynǵy astanasynyń erekshe rólin atap ótti. Búgin Almaty mádenıet, bıznes jáne kapıtal ortalyǵy boldy, dep atap ótti qala ákimi. Ákim is-sharany uıymdastyrǵan Samsung Electronics kompanııasyna alǵysyn bildirdi.
Ońtústik astanada 1996 jyldan beri jumys istep kele jatqan Samsung Electronics Central Eurasia kompanııasynyń prezıdenti Ýn Chol Iýn óz kezeginde kompanııa qazaqstandyqtarǵa arnalǵan ınnovasııalyq sheshimderdi engizýge qýanyshty ekenin aıtty. Bir jyl buryn olar Astanadaǵy EXPO-2017 kórmesinde QLED syzyǵyn engizse, endi Almatyda mereke kúnin uıymdastyrdy.
О́zgeshe boıaýmen ózgerip sán-saltanat tapqan Panfılov kóshesi boıyndaǵy Samsung QLED teldıdarlary arqyly joǵarǵy sapaly ádemi sýretter kóz jaýyn alǵan áshekeıli órnekter myń túrli boıaýǵa malynǵan qalanyń ásem dıdaryn tanytady. Jaıaý júrginshiler jolynyń kóńil demdeıtin áspettiligi demalýshylarǵa aıryqsha tynys bergendeı eken. «Almatydaǵy ótken bir kún. О́mirge arnalǵan qala» kitabynyń tusaýkeseri oqyrmandar arasynda erekshe qyzyǵýshylyq týǵyzdy. Jańa basylymda siz ońtústik astananyń biregeı fotosýretterin óz kózderińizben Almaty qalasynyń tanys beınesin, tanys kóshelerdi jáne azamattardyń kúndelikti ómirin kóre alasyz.
Almaty qalasyna arnalǵan fotografııa men sýret kórmesi jáne bir aktili «Shaherezeda» baleti kelýshilerge qýanysh syılady.
Saparbaı PARMANQUL,
«Egemen Qazaqstan»
ALMATY