Qazaqstan halqynyń 81 paıyzy sıfrlyq habar taratýmen qamtyldy, dedi Aqparat jáne kommýnıkasııalar mınıstri Dáýren Abaev.
«Aqparattyq Qazaqstan-2020» memlekettik baǵdarlamasy 5 jyl júrgizildi. Qazirgi ýaqytta óz kúshin joıdy. Keıbir maqsatty ındıkatorlardyń oryndalmaýyna qaramastan memlekettik baǵdarlama sátti júzege asyryldy. О́ıtkeni, elimizdegi aqparttyq-kommýnıkasııalyq tehnologııalar, memlekettik qyzmet kórsetý men buqaralyq aqparattyq quraldary salasyna qatysty kóretkishterdiń jaqsarǵany baıqap otyrmyz», - dedi ol.
Sonymen qatar, atalǵan memlekettik baǵdarlamany júzege asyrý arqyly elimizdiń ekonomıka salalaryn sıfrlandyrýdyń kelesi kezeńin damytýǵa baǵyttalǵan bazalyq múmkindikter quryldy.
«Mınıstrlik strategııalyq josparyna qatysty 14 maqsatty ındıkator qarastyrylǵan. Olardyń teń jartysy, ıaǵnı jeteýi tolyq júzege asyryldy. Halyqty sıfrlyq habar taratýmen qamtamasyz etý josparyna saı 87 paıyzdy quraýy qajet bolatyn. Qazirgi kórsetkish 81 paıyz boldy. Bul «Qazteleradıo» AQ-nyń radıo-tehnıkalyq stansa qurylysynyń kestesinen keshigip jatqanyna baılanysty. Alaıda jumys bir sátke de toqtaǵan joq. Kórsetkish turaqty túrde ósip kele jatyr», - dedi Mınıstr.