Qazaqstanda uıaly telefondardy SMS arqyly onlaın tirkeýge múmkindik beriledi, dedi Aqparat jáne kommýnıkasııalar mınıstri Dáýren Abaev Qoǵamdyq keńes otyrysynda.
«О́tken jyly aýyldyq eldi mekenderdi keń jolaqty ınternetpen qamtý jobasy boıynsha tyńǵylyqty jumystar júrgizildi. Jobanyń maqsaty - 2021 jylǵa deıin 1 249 eldi mekende turyp jatqan 2 mıllıonnan astam turǵyndy jyldam ınternetpen qamtamasyz etý. Aǵymdaǵy jyly barlyq konkýrstyq prosedýralar júrgizilgennen keıin 55 aýyldyq eldi mekendi qamtımyz dep úmittenemiz», - dedi mınıstr.
Sonymen qatar Dáýren Abaev uıaly baılanystyń abonenttik qurylǵylaryn tirkeýge qatysty da pikir bildirdi. Onyń aıtýynsha, ótken jyly bul baǵytta daıyndyq jumystary júrgizilip, erejesi bekitilgen. Halyq arasynda dúrbeleń bolmaýy úshin mınıstrlik tirkeý prosesin barynsha jeńildetip otyr. Tipti, azamattar onlaın rejimde jáne SMS arqyly da uıaly telefonyn tirkeýge múmkindik alady.