2018 jyldyń 21 maýsymynda Nazarbaev Ortalyǵynda Birikken Ulttar Uıymynyń Balalar Qory (IýNISEF) pen QR Tuńǵysh Prezıdenti - Elbasynyń Qory arasyndaǵy ózara túsinistik týraly Memorandýmǵa qol qoıyldy.
О́zara túsinistik týraly Memorandýmǵa Birikken Ulttar Uıymynyń Balalar qorynyń (IýNISEF) Qazaqstandaǵy ókili Iýrıı Oksamıtnyı jáne QR Tuńǵysh Prezıdenti - Elbasy Qorynyń atqarýshy dırektorynyń orynbasary Sultan Aıtjanov qol qoıdy. Memorandýmǵa sáıkes IýNISEF jáne QR Tuńǵysh Prezıdenti Qory Qazaqstan Respýblıkasynda balalardyń quqyqtaryn kótermeleý maqsatynda qoǵam ishinde qajet aqparat berý salasynda tyǵyz jumys istemek.
Birikken Ulttar Uıymynyń Balalar qorynyń (IýNISEF) Qazaqstandaǵy ókili Iýrıı Oksamıtnyı: «Balalyq shaq - adamnyń damýyndaǵy eń mańyzdy kezeń; salaýatty, tabysty jáne baqytty ómirdiń irgetasy qalanatyn kezeń. Qazaqstanda IýNISEF ár balanyń densaýlyǵyna, tamaqtanýyna, qorǵanysyna jáne bilim alýyna degen quqyqtaryn júzege asyrý úshin qyzmet atqarady. IýNISEF QR Tuńǵysh Prezıdenti Qorymen tyǵyz qarym-qatynasymyzdyń arqasynda balalardy kishkentaı kezinen damytý, úlgili ata-ana bolý, jastar tárbıesi, ınklıýzıvti bilim berý máselelerine qoǵamnyń nazaryn aýdara alamyz degen senimdemin».
Budan buryn QR Tuńǵysh Prezıdenti Qory IýNISEF jáne basqa da uıymdarmen birlesip Dúnıejúzilik balalar kúnine arnalǵan áleýmettik beınerolık jarııalady. Bolashaqta Qor IýNISEF-pen birlesken jobalardy, áleýmettik rolıkterdi shyǵarmaq jáne áleýmettik naýqandardy qoldamaq.
QR Tuńǵysh Prezıdenti – Elbasy Qorynyń atqarýshy dırektorynyń orynbasary Sultan Aıtjanovtyń aıtýynsha, kóp jyldar boıy Qor balalar men jasóspirimderdiń ıntellektýaldy jáne shyǵarmashylyq áleýetin ashýǵa kómektesetin ár túrli jobalardy júzege asyryp keledi. Jas daryndardy qoldaý - jalpyulttyq mańyzy bar is-shara. Áleýmettik jobalar, sonyń ishinde balalar úıleri men ınternattarmen belsendi jumys, jyl saıyn atqarylyp keledi. Sonymen qatar Qor ınklıýzıvti bilim berý salasynda jumys isteýde. Respýblıkalyq balalar paralımpıadalyq starttary, «Meıirim» ınklıýzıvti balalar shyǵarmashylyǵy baıqaýy, «Aman Keleshek» festıvali erekshe qajettilikteri bar balalardy qoǵamda áleýmettik beıimdeýge baǵyttalǵan».