Búgin Túrkııada prezıdent jáne parlament saılaýy ótedi, dep habarlaıdy «Anadolý» agenttigi.
Túrkııadaǵy saılaýda barlyǵy 56 mln 322 myń 632 saılaýshy daýys beredi. Saılaý ýchaskelerinde 180 065 jáshik ornatylady. Sheteldegi Túrkııa azamattary 19 maýsym kúni daýys berip qoıǵan. Túrkııada saılaý ýchaskeleri 24 maýsym kúni tańǵy saǵat 08-00-den bastap ashylady. Daýys berý aıaqtalǵan soń aldymen prezıdenttikke kandıdattar úshin berilgen daýystar sanalady.
Shetelde tirkelgen saılaýshylar Túrkııa shekarasyndaǵy ótkizý pýnktinde daýys bere alady. Ankara úsh saılaý okrýgine bólingen jáne el turǵyndary 11392 saılaý ýchaskesinde daýys beredi. Ankarada saılaýda qaýipsizdikti 16 myń polısııa qyzmetkeri qamtamasyz etedi. Sondaı-aq qaýipsizdik sharalaryn nyǵaıtý maqsatynda 40 arnaıy polısııa tehnıkasy men 35 brondalǵan avtomobılder jáne tikushaqtar men drondar jumyldyrylǵan.