Japonııanyń Osaka prefektýrasynda 18 maýsymda bolǵan jer silkinisi saldarynan 7 myńǵa jýyq turǵyn úı men sharýashylyq qurylymdary zaqymdanǵan, dep habarlaıdy NHK.
Tabıǵı apattyń zardabyn joıý shtabynyń deregi boıynsha, mundaı búlinýler 16 qala men kentte tirkelgen. Negizinen 1980 jyldardyń basynda qazirgi japondyq antıseısmıkalyq normalarǵa saı kelmeıtin qurylymdar zaqymdanǵan.
Sondaı-aq, apat bolǵan aımaqta osy ýaqytqa deıin 8,5 myń páter men jeke úılerde gaz óshirýli tur. Jer silkinisinen keıin olardyń sany 110 myń boldy. Tolyqtaı gazben jabdyqtaý 25 maýsymda qalpyna keltiriledi dep josparlanýda. Jerasty dúmpýi saldarynan Osaka prefektýrasynyń soltústiginde bes adam qaza taýyp, 350 turǵyn túrli jaraqat alǵan.