Memlekettik til – el birliginiń basty faktory

Keshe L.N.Gýmılev atyndaǵy Eýrazııa ulttyq ýnıversıtetinde Mádenıet mınıstrligi Til komıtetiniń uıymdastyrýymen el Táýelsizdiginiń 20 jyldyǵyna arnalǵan «Memlekettik til – el birliginiń basty faktory» atty halyqaralyq ǵylymı-tájirıbelik konferensııa bolyp ótti. Basqosýda alǵashqy baıanda­ma­ny Mádenıet vıse-mınıstri Ǵazız Telebaev jasap, jıylǵan jurt­shy­lyq­ty aldaǵy kele jatqan táý eter Táýelsizdigimizdiń 20 jyldyq aıtýly merekesimen quttyqtady. Jıynda halyqaralyq «Qazaq tili» qoǵamynyń prezıdenti, akademık О́mirzaq Aıtbaıuly, qoǵam qaırat­keri Orazaly Sábden, «Memlekettik til» qozǵalysy tóraǵasynyń birinshi orynbasary Smaǵul Elýbaı, Qyrǵyz-Túrik ýnıversı­teti­niń professory Q.Qońqobaev jáne Marmara (Túrkııa) ýnıversıtetiniń professory M.Kachalyn memlekettik tildiń bolashaǵy týraly keńi­nen sóz qozǵady. Sonymen birge konferensııaǵa Prezıdent Ákim­shi­ligi Ishki saıasat bólimi meńgerý­shi­siniń orynbasary Álibek Asqarov ta arnaıy kelip qatysty. «Memlekettik til – barsha qa­zaq­standyqtardy biriktiretin negizgi faktor retinde Táýelsizdiktiń basty belgisi ári rýhanı baılyǵy. Sondyqtan da el Táýelsizdiginiń 20 jyldyǵy aıasynda ótip jatqan búgingi konferensııanyń mańyzy óte zor. Ol elimizdegi memlekettik tildiń damýyna taldaý jasaý men onyń qoldanys aıasynyń keńeıe túsýine yqpal eter tyń usynystar jasaýǵa múmkindik beredi», – dedi sharany uıymdastyrýshylar. Konferensııa aıasynda Máde­nı­et mınıstrligi Til komıtetiniń tap­syrysy boıynsha «Jazýshy», «Arýna LTD», «О́lke», «Dáýir», «Aýdarma» baspalary men «Qazaq ensıklopedııasy» JShS bıylǵy jyly shyǵarylǵan kitap ónimde­rinen kórme uıymdastyrdy. Onda 15 tomdyq «Qazaq ádebı tiliniń sóz­digi», «Álem balalar ádebıe­ti­niń injý-marjandary», «Álemdik klassıka», «Men oqyǵandy unata­myn», «Ertegiler elinde», «En­sı­klopedııalyq anyqtamalyqtar» top­tamalary jáne mektepke deıingi balalarǵa arnalǵan qazaq áde­bıe­­tiniń eń úzdik shyǵarmalarynan aýdıokitaptar qoıylǵan. Ábdirahman QYDYRBEK.