Nursultan Nazarbaev Rejep Taııp Erdoǵanǵa Túrkııa Respýblıkasynyń Prezıdenti laýazymyna saılanýyna baılanysty quttyqtaý jedelhatyn joldady, dep habarlaıdy Aqordanyń baspasóz qyzmeti.
Memleket basshysy Qazaqstan halqynyń jáne jeke óziniń atynan Rejep Erdoǵandy Túrkııa Respýblıkasy Prezıdentiniń saılaýyndaǵy aıqyn jeńisimen quttyqtady.
«Saılaý nátıjeleri túrik halqynyń Sizdiń el basshysy laýazymyndaǵy qyzmetińizdi joǵary baǵalap, júrgizip otyrǵan saıası jáne ekonomıkalyq reformalaryńyzǵa, sondaı-aq damýdyń strategııalyq baǵyttaryna shynaıy qoldaý bildirgenin kórsetti.
Qazaqstan men Túrkııa arasyndaǵy ózara qurmet pen baýyrlastyqqa negizdelgen dástúrli dostyq qarym-qatynas eki halyqtyń múddelerine qyzmet etip, bolashaqta bizdiń strategııalyq áriptestigimiz sapaly jańa deńgeıge kóteriledi dep senemin», – delingen jedelhatta.
Sońynda Nursultan Nazarbaev Rejep Erdoǵanǵa zor densaýlyq, jaýapty qyzmetine tabys, al baýyrlas túrik halqyna baq-bereke tiledi.