Zańdardaǵy qaıshylyq qolbaılaý bolýda

Osyndaı jaǵdaı kommýnal­dyq kásiporyndardyń jumysyn jaq­sartý úshin Úkimettiń júıeli jáne keshendi sharalar qabyl­daýyn talap etedi. Burynǵy talap­­tar­dyń qatty bolmaýynan úı­lerin satyp jibergen keıbir bu­­rynǵy qojaıyndardyń qa­ryz­­daryn qaıtarý da qıynǵa túsýde.

Kommýnaldyq kásiporyn­dardyń turǵyndar qaryz­da­rynyń esebinen ósip jatqan debıtorlyq qaryzdary olardyń óz usyný­shy­larymen esep aıyrysýyna, ýaqtyly jóndeý-jańalaý jumys­taryn júrgizýine qolbaılaý bolýda. Sonymen birge olardyń qo­sym­sha qarjy kózderin tabý múm­kin­shilikteri de shekteýli bolyp otyr.

Kommýnaldyq kásiporyn­dar­dyń qosymsha qarajat tabýy úshin olarǵa óz isterinen basqa árekettermen aınalysýyna jol berý oryndy. Qazaqstan Re­s­pýb­lıkasynyń «Tabıǵı monopo­lııalar týraly» zańynyń 18-babyna sáıkes olarǵa óz ju­mys­t­arymen tehnologııalyq tur­ǵy­dan baılanysy bar jumys­tarmen aınalysýǵa múmkindik beril­gen. Sonymen birge osy jumystardyń tizimi de jasalǵan. Ol: sýdy hımııalyq jolmen taza­l­aý jáne ony satý, elektr ener­­gııa­syn óndirý, jylý júıe­le­rin gıdravlıkalyq jáne tem­pe­ratýralyq synaqtardan ót­kizý, jylý nysandaryna jóndeý jasaý jáne olarǵa teh­nı­ka­­lyq qyzmetter kórsetý jáne t.b. Alaıda kommýnaldyq ká­sip­oryn­dar kvazımemleket­tik sektor­ǵa jatatyndyqtan olarǵa Kásip­kerlik kodeksiniń 192-babyna sáıkes aksııalarynyń elý pa­ıyzdan artyǵy memleketke tıesili zańdy tulǵalar atqara­tyn tizimdegi jumystardy ǵana at­qarýǵa ruqsat berilgen. Bul tizim Úkimettiń 2015 jyl­ǵy 28 jel­toqsandaǵy №1095 Qaý­ly­sy­men bekitil­gen. On­da kommýnal­dyq kásiporyn­dar­­dyń negizgi áreketterime­n teh­nolo­gııalyq turǵy­daǵy qy­z­metter qaras­ty­rylmaǵan. Sóı­tip, JES-ter tabıǵı monopolııa­lar sýbek­ti­lerine ja­ta­tyndyqtan ózderi­niń negizgi áreketterimen tehno­log­ııalyq turǵydaǵy basqa jumystardy atqarýǵa zań­dy negizge ıe bola tura, osy múm­kin­­dikterin paıdalana almaýda.

Sondyqtan biz Úkimet basshysy Baqytjan Saǵyntaevtyń atyna depýtattyq saýal joldap, osy máselelerdiń sheshi­lýine yqpal etýin suradyq. So­nyń ishinde turǵyndardyń qa­ryz­daryn óndirip alýdyń zań­dy negizderin jasap, sonymen qatar 2015 jyl­dyń 28 jeltoqsanyndaǵy №1095 qaýlymen bekitilgen tizimdi de qaıta qarap, onyń kommýnaldyq kásiporyndardyń qosymsha ju­mystar atqarýyna múmkindik berýdi qarastyrý qajet.

Shavhat О́TEMISOV,

Májilis depýtaty