Jahan jańalyqtary. Azııa chempıonaty Qazaqstanda ótedi

Nursultanovtyń kezekti jeńisi

Qazaqstandyq kásipqoı boksshy Meıirim Nursultanov (7-0-0,6 KO) AQSh-tyń Los-Andjeles qalasynda ótken boks keshinde sharshy alańǵa shyǵyp, jetinshi jeńisine qol jetkizdi. 

Alty raýndqa josparlanǵan kezdesýde otandasymyz mek­sıkalyq boksshy Hose Oban­domen judyryqtasyp, altynshy raýndta tehnıkalyq nokaýtpen jeńdi. Jekpe-jektiń aıaqtalýyna birneshe sekýnd qalǵanda Nur­sultanov qarsylasyn qyspaqqa alyp, serııaly soqqylar jasady. Meksıkalyq boksshynyń sharasyz qalǵanyn baıqaǵan tóreshi kezdesýdi merziminen buryn toq­tatýǵa májbúr boldy. 

Osylaısha, otandasymyz kásip­qoı bokstaǵy jetinshi je­ńi­sin toılasa, onyń altaýyn mer­ziminen buryn aıaqtady. Ol kásipqoı bokstaǵy debıýt jek­pe-jeginde ǵana tolyq ju­dyryqtasyp, tóreshilerdiń sheshimi boıynsha upaı sanymen jeńiske jetken edi.

«Real» jas qaqpashymen tolyqty

Madrıdtiń «Real» klýby Lýganskiniń «Zarıa» komandasynyń qaqpashysy Andreı Lýnındi satyp aldy. Bul týraly klýbtyń resmı saıty málimdedi.

19 jastaǵy qaqpashynyń «Real» komandasymen ara­daǵy kelisimsharty alty jylǵa josparlanǵan. Buǵan deıin «Marca» basylymy «Real» Lýnın úshin 14 mln eýro tólegeni týraly aqparat taratqan bolatyn. 

Lýnın «Zarıa» qaqpasyn 2017 jyldan beri qorǵap kelgen-di. 2017/18-jylǵy maýsymda ol klýbtyń eń úzdik fýtbolshysy dep tanylǵan. О́tken maýsymda ol komanda sapynda 36 ret jasyl alańǵa shyǵyp, 10 oıynda qaqpasyna gol jibermegen. 

Azııa chempıonaty Qazaqstanda ótedi

Qatar astanasy Dohada ótken Azııa aýyr atletıka federa­sııasynyń atqarý komıtetiniń otyrysyna Qazaqstan aýyr atletıka federasııasynyń ókilderi qatysyp, 2020 jylǵy qurlyqtyq chempıonatty ótkizý týraly nıetin rastady.

Sondaı-aq otyrys kezinde Azııa qurlyǵynda aýyr atletıkany damytý máselesi, 2018 jylǵy jaz­ǵy Azııa oıyndaryna jáne 2019 jyly Úndistanda ótetin Azııa chempıonatyna daıyndyq ba­rysy talqylandy. Shara barysynda qazaqstandyq tarap IWF jáne AWF basshylyǵymen kezdesý ótkizdi. Onda Qazaqstan 2020 jyl­ǵy Olımpııa oıyndarynyń kva­lıfıkasııalyq erejelerine sáıkes kvota kólemin qysqartý máselesine qatysty óz pikirin bil­dirdi. 

Aıta keteıik, buǵan deıin 2004, 2009 jáne 2013 jyldary úsh márte qurlyq birinshiligi Qa­zaqstanda ótken bolatyn.

Daıyndaǵan Álı BITО́RE, «Egemen Qazaqstan»