Búgin Aqmola oblysyna jumys sapary barysynda QR Premer-Mınıstri Baqytjan Saǵyntaev №1 qalalyq emhanada bolyp, onda jańa sıfrlyq tehnologııalarmen tanysyp, óńirdiń densaýlyq saqtaý júıesiniń qyzmetkerlerimen kezdesý ótkizdi.
Mekemeni aralaý barysynda Premer-Mınıstr jetekshi álemdik óndirýshilerdiń zamanaýı medısınalyq jabdyqtarynyń jumysymen, sondaı-aq «Keshendi medısınalyq aqparattyq júıe» jańa baǵdarlamalyq qamsyzdandyrýmen jáne Zerthanalyq aqparattyq júıemen tanysty.
Emhananyń bas dárigeri S.Ilııasov Kókshetaý qalasy men Zerendi aýdanynyń jaqyn mańyndaǵy aýyldarynyń emdelýshilerine ózderine yńǵaıly ýaqytta medısınalyq kómek alýǵa múmkindik beretin elektrondy anyqtamalyq jáne kezek júıesiniń jumysymen tanystyrdy.
Aqmola oblysynyń densaýlyq saqtaý basqarmasynyń basshysy S.Kısıkova «Densaýlyq» memlekettik baǵdarlamasyn iske asyrý aıasynda óńirde jalpy densaýlyq saqtaý júıesin damytý, sonymen qatar Medısınalyq uıymdar jelisiniń biryńǵaı perspektıvalyq jospary jobasy týraly baıandady. Osy jyldyń 5 aıynda ótken jyldyń sáıkes kezeńimen salystyrǵanda aýrýlar men ólim-jitim kórsetkishteriniń tómendegeni baıqalady: náreste ólimi shamamen 26%-ǵa, týberkýlezben aýyrý — 13,9%-ke, qan aınalymy aýrýlary — 7,4%-ke tómendedi.
Ákimdiktiń málimetterine sáıkes, Aqmola oblysynda 577 densaýlyq saqtaý nysanynyń 258-inde medısınalyq aqparattyq júıeler engizilgen. Budan ózge, osy jyldyń qańtar aıynan bastap pılottyq sıfrlyq joba aıasynda elektrondyq densaýlyq pasporttary halyqtyń 99%-ne toltyryldy:
shamamen 86% nemese 1,35 mln kelip-ketýshilerge qyzmet kórsetildi. flıýrotekalarǵa elektrondyq keskinderdiń 37%-y tirkelgen; elektrondy formatta naýqastyq paraqshanyń 67% jazyldy; elektrondyq resepter berý boıynsha jumys bastaldy.Aýdandyq deńgeıge deıingi medısınalyq uıymdar 100% ınternetpen qamtamasyz etilgen. Barlyq medısına qyzmetkerleri kompıýterlik saýattylyqqa, QR DSM aqparattyq júıelerinde jumys isteýge 100% oqytylǵan. Medısınalyq uıymdardyń 80%-ten astamy ishinara qaǵazsyz formatqa aýysqan. Qaǵazsyz medısınalyq qujat aınalymyna kóshýden kútiletin áser: dárigerge barýdy 2 esege qysqartý; kásibı tekserý jáne skrınıngter kezinde aýrýlardy anyqtaýdy 30%-ke arttyrý; aldyn-ala jazba úlesiniń 50%-ke ósýi, jandy kezekterdi 50%-ke deıin tómendetý.
Oblystyń medısına qyzmetkerlerimen kezdesýde densaýlyq saqtaý júıesin damytýmen tanysý jalǵasyn tapty. Kezdesý barysynda halyqqa kórsetiletin medısınalyq qyzmetterdiń sapasy men qoljetimdiligi jáne óńirdiń densaýlyq saqtaý ınfraqurylymyn odan ári damytý, dárigerlerdi kásibı daıarlaý jáne olardyń MÁMS engizýge daıyndyǵy máseleleri talqylandy.
Densaýlyq saqtaý salasynyń qyzmetkerlerimen kezdesýdi asha otyryp, B.Saǵyntaev búginde densaýlyq saqtaý júıesin jańǵyrtý boıynsha kólemdi jumystar atqarylyp jatqanyn atap ótti. Memlekettiń negizgi basymdyǵy — qazaqstandyqtardyń densaýlyǵyn qorǵaý. Úkimet, óz kezeginde, Qazaqstannyń densaýlyq saqtaý júıesin reformalaý boıynsha Prezıdenttiń alǵa qoıǵan birqatar naqty mindetterin erekshe baqylaýda ustap otyr. Bul usynylatyn medısınalyq qyzmetterdi sıfrlandyrý, «qaǵazsyz aýrýhanalarǵa» kóshý, sondaı-aq MJÁ qaǵıdasy arqyly densaýlyq saqtaý naryǵyn yryqtandyrý jáne jekemenshik medısınalyq uıymdar úshin kedergilerdi azaıtý arqyly salanyń tıimdiligin arttyrý.
2017 jyly jekemenshik sektordyń shekteýleri alynyp tastaldy, birqatar sanıtarlyq normalar joıylyp, qaıta qaraldy. Bul densaýlyq saqtaý salasyna salynǵan jeke ınvestısııalardy eki esege 44,2 mlrd teńgege deıin (2016 jyly 23,3 mlrd teńge) ulǵaıtýǵa jol ashty.
Budan ózge, óńirlik densaýlyq saqtaý júıesiniń ókilderi birqatar ózekti máseleler boıynsha sóz sóıledi. Máselen, oblystyq perınataldyq ortalyqtyń bas dárigeri E.Muhamedıev, «Avısenna» JShS bas dárigeri — J.Týǵambekov, Aqmola balalar oblystyq aýrýhanasynyń bas dárigeri — S.Aqshalov, «Medıkýs» JShS bas dárigeri — A.Bolatova, qalalyq emhananyń bas dárigeri — G.Sabataeva memlekettik densaýlyq saqtaý uıymdarynyń qyzmetin jańǵyrtý, dári-dármekterdi ýaqytyly satyp alý jáne jetkizý, sondaı-aq kadrlardy daıyndaý máselelerin kóterdi.
О́z kezeginde, QR densaýlyq saqtaý mınıstri E.Birtanov áriptesteriniń sóılegen sózderine pikir bildire otyryp, óńirde densaýlyq saqtaý júıesin jańǵyrtý jónindegi jumystar tıisti deńgeıde iske asyrylyp jatqanyn aıtyp ótti. Atap aıtqanda, sıfrlyq tehnologııalardy engizý kóptegen daýly máselelerdi sheshýge yqpal etedi.
Dıalogty qorytyndylaı kele, QR Premer-Mınıstri Baqytjan Saǵyntaev mindetti áleýmettik medısınalyq saqtandyrý júıesin engizýge muqııat daıyndyq, usynylatyn qyzmetter men dári-dármekpen qamtamasyz etýdiń sapasy men qaýipsizdigine kepildik berý máseleleri erekshe basymdyqta bolý kerektigin atap ótti.