3-týr oıyndary bastalǵaly beri álem chempıonatynyń esep-qısaby da kóbeıe tústi. Ár komanda ózine laıyqty qarsylasty tańdap, oıyndaryn asa yjdahattylyqpen ótkizse, keıbir ujymdar kelesi kezeńge ótýdi armandap júr. Sonymen pleı-offta kimder qarsylas atanýy múmkin.
Ýrýgvaı men Reseı arasyndaǵy oıynda qorǵaýshy Smolnıkov alańnan qýylyp, Reseı komandasy 10 fýtbolshymen qaldy. Sonyń saldarynan jarys qojaıyndary 0:3 esebimen jeńildi. Stanıslav Cherchesov komandasy teń nátıjege qol jetkizip, toptaǵy birinshi orynnan dámeli bolyp edi. Alaıda bar oıyn qurdymǵa ketip, Latyn Amerıkasynyń komandasy qarsylastan bir bas joǵary boldy. «A» tobyndaǵy birinshi oryndy ıemdengen Ýrýgvaı endi pleı-off synynda Portýgalııamen kezdesedi. Sebebi, Pıreneı túbeginiń komandasy óz tobynda ekinshi oryndy ıemdendi. Krıshtıaný Ronaldý Iran qaqpasyna penaltıden gol soǵa almaı, Rıkardý Santýsh shákirtteri teń nátıjeni qanaǵat tutty. Týrnır bastalǵaly beri qaqpasyna birde-bir gol jibermegen Ýrýgvaı Portýgalııany aınalyp ótemiz dep otyr. Býkmekerlik keńseler de osylaı oılaıdy.
Al «V» tobyndaǵy ekinshi oıynda Ispanııa Marokkomen teń oınap, toptaǵy 1-ornyn saqtap qaldy. Endi 2010 jylǵy álem chempıony Reseımen kezdesedi. 2008 jyly EÝRO dodasynyń jartylaı fınalynda Ispanııa Gýs Hıddınk baptaıtyn Reseıdi 4:1 esebimen oısyrata jeńgeni bar-tyn. Endi qalaı bolary belgisiz. Bul jolǵy Reseı nıderlandylyq mamannyń kezindegideı kúshti emes. Biraq Ispanııa da sol shaqtaǵy qalpynan osaldaý. Degenmen jarys Reseı jerinde ótkendikten orys oıynshylary tegeýrindi qarsylyq kórseteri anyq. Degenmen kezdesýdiń basty favorıti Ispanııa ekenine daý joq.
Pleı-offtyń alǵashqy satysynda bir-birimen qarsylas atanyp qalýy múmkin juptarǵa toqtalsaq. Olardyń eń bastysy – Brazılııa men Germanııa. Bul eki komanda 1/8 fınalda jolyǵýy ǵajap emes. Eger Brazılııa óziniń tobyndaǵy birinshi ornyn saqtap qalar bolsa, onda kórshi toptaǵy ekinshi oryn alǵan Germanııamen kezdesedi. Ol topta 6 upaıy bar Meksıka kósh bastap tur. Al «H» tobyndaǵy komandalardyń jaǵdaıy qıyn. Birinshi orynda turǵan Japonııa «G» tobynyń ekinshi komandasy Belgııamen kezdesýi múmkin. Al Kúnshyǵys eli quramasynyń birinshi orynǵa shyǵyp ketkenin Anglııa da paıdalanyp qalǵysy keledi. 3-týrda Anglııa men Belgııa arasyndaǵy kezdesýde jeńimpazdy anyqtaý qıyn bolatyn sekildi. Ulybrıtanııalyq fýtbolshylar da, belgııalyqtar da ekinshi orynǵa talasqysy bar.
Sóz sońynda aıta ketsek, «A» tobynyń oıyny Saýd Arabııa men Mysyr arasynda ótti. Týrnırlik kestege esh áser etpeıtin bul matchta saýdııalyqtar sońǵy mınýttarda jeńisti julyp áketti. Osy oıyndy Mysyrda telearnadan júrgizgen kommentator Ábdel Rahym Muhammed match bitken soń júregi toqtap, ómirden ozdy. Dárigerlerdiń aıtýynsha, oıyn boıy alǵan áseri Muhammedke aýyr tıgen eken.
Sonymen qatar Serbııa-Shveısarııa oıynynda Kosovonyń týyn jabystyryp, gol soqqan soń tipti Albanııanyń jalaýyndaǵy qyrandy qolmen kórsetken eki oıynshy Sherdan Shakırı men Granıt Djakka FIFA tarapynan aıypqa kesildi. Endi eki oıynshy 8,500 eýro kóleminde aıyppul tóleıdi. Fýtbolshylar ultarazdyq qaqtyǵys týdyratyn osyndaı áreketterin endi taǵy qaıtalaıtyn bolsa, onda álem chempıonatynan shettetiletin bolady.
Ermuhamed MÁÝLEN,
«Egemen Qazaqstan»