Sherý saldarynan ekonomıkaǵa nuqsan keldi
Dúısenbiden Argentınada jappaı sherý bolyp, kóptegen qoǵamdyq qyzmet toqtap, ekonomıkaǵa aıtarlyqtaı nuqsan keldi. Sherýge shyqqandar aılyqty kóterýdi talap etip, Halyqaralyq qarjy qory men el bıligi arasyndaǵy quny 50 mıllıardtyq kelisimge qarsylyq bildirdi.
Al Jazeera arnasynyń habarlaýynsha, narazylyqtyń kesirinen Argentınadaǵy qoǵamdyq kólik qyzmeti toqtaǵan. Áýejaı jumysshylarynyń ereýilge shyǵýy saldarynan 600-ge jýyq áýe sapary keıinge shegerilip, 71 myńǵa jýyq jolaýshy zardap shekken.
Sonymen qatar dúkender, janarmaı beketteri, mektepter, bankter jáne porttar jumysyn toqtatqan. El astanasy Býenos-Aıres kóshelerinde kólikter keptelgen.
Argentına bıligi taıaýda jalaqy mólsherin 15 paıyzǵa ǵana ulǵaıtý jóninde sheshim qabyldaǵan bolatyn. Al eldegi ınflıasııa mólsheri 26 paıyzǵa jetken. Jumysshylar bıliktiń osy sheshimine narazylyq bildirip otyr.
Sonymen qatar prezıdent Maýrısıo Makrı ulttyq valıýtany devalvasııadan saqtap qalý maqsatynda Halyqaralyq qarjy qorymen kelisip, 50 mıllıard dollar kredıt alýǵa qol jetkizdi. Nesıe shartyna sáıkes, 2019 jyly qarjy tapshylyǵyn 1,3 paıyzǵa deıin azaıtý qajet. О́z kezeginde bul bıýdjettik qyzmetkerlerdi kóptep qysqartýǵa ákep soǵyp, jumyssyzdar sanyn arttyrýy múmkin. Qazirgi tańda Argentına halqynyń 9 paıyzy jumyssyz.
Jalpy, bul – Argentınanyń Búkilhalyqtyq eńbek konferensııasy uıymdastyryp otyrǵan úshinshi sherý. Uıym quramynda úsh mıllıonnan astam jumysshy bar. Buǵan deıin olar 2017 jylǵy sáýirde jáne jeltoqsanda jappaı ereýildegen bolatyn.
QHR aıǵa ǵarysh stansasyn jiberedi
Qytaı bıligi ǵaryshty ıgerý úshin birqatar sharalar atqaryp jatyr. Solardyń biri – aıdy zertteýge arnalǵan apparat jiberý. Taıaýda aıdyń bizge kórinbeıtin betin barlaý maqsatynda Queqiao qondyrǵysy jiberiletini málim bolǵan-dy.
ChinaDaily saıtynyń paıymdaýynsha, bul sapar – aıdyń bizge kórinbeıtin betin baǵdarlap, aıdy zertteý jumystaryn jetildirýge oń yqpalyn tıgizbek. Ǵarysh apparattary aıǵa «Chane-4» ǵarysh stansasymen jetkizilmek. Atalǵan mıssııa 2016 jyly júzege asýy tıis bolǵan. Biraq túrli sebepterge baılanysty keıinge shegerildi.
ChinaDaily-ge suhbat bergen Beıjiń ǵalymy Chjen Iýnchýnnyń aıtýynsha, osy qondyrǵylar arqyly aspan álemin keńinen zertteýge múmkindik týady. О́ıtkeni Aıda aýa bolmaǵandyqtan, teleskoptar ǵaryshty anyq kórýge jaǵdaı jasaıdy.
Ońtústik Koreıa men KHDR kelisimi
Soltústik Koreıa men Ońtústik Koreıa delegasııasy túrli jaǵdaılarǵa baılanysty otbasynan aırylyp, shekaranyń eki jaǵynda qalǵan otbasylardy tabystyrý baǵdarlamasyn qaıta jalǵastyrýǵa qatysty kelissóz ótkizdi.
Bul kelisim eki el arasyndaǵy qarym-qatynasty jaqsartý maqsatynda uıymdastyrylyp otyr. Esterińizde bolsa, sáýirde Ońtústik Koreıanyń prezıdenti Chje In Mýn Soltústik Koreıa basshysy Kım Chen Ynmen kezdesken bolatyn. Atalǵan jıynda prezıdentter qazirgi tańda týyndaǵan qıyndyqtarǵa toqtalyp, birqatar máselelerdi talqylaǵan edi. Sonyń biri – eki el arasyndaǵy qarym-qatynasty jaqsartý.
Reuters agenttiginiń habarlaýynsha, jıyn barysynda KHDR delegasııasyn bastap kelgen Pak Iong: «Biz ózara senimdi nyǵaıta otyryp, jaqsy nátıjege qol jetkizýge talpynamyz. Basshylarymyz bastap bergen kelisimdi odan ári jalǵastyrý bizdiń mindetimiz» degen eken.
О́z kezeginde Ońtústik Koreıa ókilderi bólinip ketken otbasylardy qaıta tabystyrý baǵdarlamasyn jalǵastyrý adam quqyǵy máselesi ekenin jetkizgen.
Aıta keterligi, Koreı túbegindegi soǵys kezinde kóptegen koreıler otbasynan ajyrap, shekaranyń eki jaǵynda qalyp ketken edi. Olardy qaıta tabystyrý jumystary buǵan deıin de birneshe ret ótkizildi. 2000 jyldan beri 23 676 azamat qaıta tabysqan eken.
Qazirgi tańda Koreı soǵysynyń zardabyn tartqandardyń aldy 80-nen asyp ketken. Reuters agenttigiń habarlaýynsha, osy baǵdarlama aıasynda aǵaıyn-týǵanymen qaıta kezdesýge ótinish bildirgen 131 myńnan astam adamnyń 56 paıyzy qaıtys bolyp ketken.
Sholýdy daıyndaǵan Abaı ASANKELDIULY,
«Egemen Qazaqstan»