Bir sýrettiń syry sekildi, ár sapardyń sátin túsiretin sebep bolady. Ana bir jyly qolymyzǵa «Sarysý – saıaly mekenim» deıtin albom-kitap túsken-di. О́zi salmaqty, sýretteri ǵajaıyp kitaptan tosyn bir fotolardy kórip, belgili fototilshi, kitap avtory Samat Qusaıynovqa saýaldardy jaýdyrǵanbyz.
Aqparat aıdynyndaǵy áriptesimizge de keregi osy eken, týǵan ólkesi týraly tógilip bir áńgime aıtsyn.
– Qazaqstanda da osyndaı jerler bar ma deısiń. Sen túgili, bizdiń jaqtyń adamdarynyń bári Sarysý jaqta mundaı keremet jerler, tabıǵattyń tylsym qubylystary men jaqpar-jaqpar taýlary bar ekenin bile bermeıdi, – dedi áriptesimiz. Sóziniń jany bar. Qııanda jatqan Sarysý aýdanynyń alys ekeni ras.
Qysqasy, osy sýret Sarysý aýdanyna bastaǵan saparymyzǵa túrtki bolyp tyndy. Biz de qazaqqa táńir tartý etken tabıǵattyń tamashasyn bilmeı óter me edik, osylaısha ǵaıyptan Jambyl oblysyndaǵy Sarysý aýdanyna, onyń ishinde Jańatas qalasyna jolymyz túspegende.
Sonymen sýrettegi Qarataý silemderinen 300 metr bıiktikte ornalasqan pıramıdany óz kózimizben kórýdiń sáti tústi. Ýaqyt mújigen bul pıramıdany adam turǵyzdy ma, álde Tabıǵat-Ananyń sheber qolynan shyqty ma, bir Allaǵa aıan. Bir aqıqaty, bul jerde qupııasy ashylmaǵan jumbaq tastar da, úńgirler de kóp. Pıramıdanyń dál irgesinde Qaraýyltóbe bar. Jońǵar, qalmaq shapqynshylyqtary kezinde onyń ishindegi úlken úńgirde bul taýda elimizdi qorǵaǵan babalarymyz damyldap, qaraýyldap jatqan desedi. Jaý kele jatqanda osy tóbeden tútin shyǵaryp, belgi bergen kórinedi.
Osy bir qysqa ǵana saparda tunyp turǵan tabıǵat týrızmdi damytyp, ony tabys kózine aınaldyrýǵa suranyp turǵan Sarysýdyń tamasha taýlaryn, Shoqaı datqa, kúıshi Yqylastyń kesenesi sııaqty tarıhı oryndaryn aralaý múmkindigin jibergen joqpyz.
Bizdi alystan arbaǵan pıramıdaǵa da jettik-aý, biraq, shynyn aıtý kerek, týra túbine bara almadyq. Sondyqtan da bul pıramıda sýrettegideı kishigirim emes.
Aınash ESALI,
«Egemen Qazaqstan»
Jambyl oblysy,
Sarysý aýdany