Baspasóz, radıo jáne ınternet-jýrnalıstıka salasyndaǵy mamandarǵa «Úrker» ulttyq syılyǵy tabystaldy. «Úzdik respýblıkalyq baspasóz basylymy» atalymynyń júldesin «Egemen Qazaqstan» gazeti ıelendi.
Ulttyq premııa baspasóz, radıo jáne ınternet-jýrnalıstıka salasynda úzdik jetistikke jetken sondaı-aq óńirlerde mýltımedıalyq jýrnalıstıkany damytýǵa úles qosyp júrgen, ári jýrnalıstıkanyń bedelin kóterýge atsalysqan, sondaı-aq qoǵamnyń azamattyq belsendiligin kóterýge úles qosyp júrgen mamandarǵa berildi.
Syılyqtyń negizgi maqsaty – talantty jýrnalıster men úzdik shyǵarmashylyq ujymdardy anyqtaý, olardyń kásibı jýrnalıstıkany damytýǵa qosqan úlesterin saralaý jáne shyǵarmashylyq adamdarynyń eleýli eńbegine qoǵam nazaryn aýdarý.