Elbasy Nursultan Nazarbaevtyń dombyra men qazaq ánderi týraly aıtty. Bul týraly vıdeo Aqordanyń Facebook paraqshasynda jarııalandy.
«Dombyra qazaqtyń jan dúnıesimen baılanysty. Kúıdi, dombyranyń áýenin, sazyn murnyna jýsan ıisi barǵan ári Uly dalada ómirge kelgen qazaq qana túsine alady. Sebebi bul erekshe mýzyka adamnyń jan dúnıesin kórsetedi, ıaǵnı muńdy nemese qýanyshty, oıdy ashyq baıqatady. Keshkilik dombyrany shertip otyrǵan kezde, barlyǵy umytylady. Maǵan bul áser unaıdy, sondaı-aq dombyrada jaqsy oınaıtyn adamdarǵa qurmetpen qaraımyn. Bizdiń qazaqtyń óleńderi men jyrlary adamnyń jan-sezimin tolqytady, olarda fılosofııalyq mazmun bar. Qazaq ánderi men jyrlarynda mýzykaǵa emes, ondaǵy sózderge mán berý kerek. Bul sózderdiń máni óte tereńde jatyr jáne olardyń úlken mańyzy bar», - dedi Memleket basshysy.