Qııal álemine jeteleıtin kartınalar

Kórmeni ázirlep ákelgen – Fransııa eliniń Ulttyq mýzeı­ler birlestigi. Sharanyń ashy­lý saltanatynda sóz alǵan Fran­sııa­nyń Qazaqstandaǵy Tóten­she jáne ókiletti elshisi Fı­lıpp Martıne myrza óz elin­degi ejel­­­gi rýhanı muralar saq­shysy – Ult­tyq mýzeıler bir­les­tigi ót­ken jyly Astana uıym­das­tyr­­ǵan halyqaralyq maman­dan­­­dyrylǵan EKSPO kórmesi aıasynda elordalyqtarǵa fransýz tarıhyna qatysty qundy dúnıeler usynǵan bolsa, endi mine HIH ǵasyrdaǵy fransýz sımvolıkasynyń iri ókili Pol Serıýzeniń kartınalary ákelinip otyr dedi.

Sondaı-aq kópshilikti kór­meniń mańy­zymen tanys­tyrǵan Mádenıet jáne sport mınıstri Arystanbek Muhamedıuly bir jyl buryn má­de­nıet, óner jáne mádenı mura­ny saqtaý salasynda elaralyq ynty­maq­tastyq memorandýmyna qol qoıy­l­ǵanyn, bul shara sonyń jalǵasy ekenin jetkizdi.

Kórmege barlyǵy 48 jaýhar kartına ákelinse, sonyń 80 paıy­­­­zynyń avtory – Pol Serıý­ze. Jumystar túgeldeı der­lik tupnusqa. Onyń «Teńiz ben jaǵalaý», «Toqymashy», «Ma­ha­­bbat báıteregi» qatarly eń­bek­teri modern stıline jaqyn ar-nývo sımvolıster tobyna jatady eken. Negizinen bul topty eýropalyq ónertanýshylar «Nabı» shyǵarmashylyq baǵy­ty dep baǵalaıdy. Qazaqsha aıtqan­da, tylsymmen syrlasýshylar.

Atalmysh top ókiline jatatyn keskindemeshiler – Emıl Bernar, Per Bonnar, Morrıs Denı, Anrı More, Maksım Morra, Pol Gogen, taǵy basqa­la­rynyń týyndylary da kór­me sóresinen oryn alypty. Bular­dyń bári búginde ómirden ozǵan, biraq sýretteri arqyly álemge tanymal tulǵalar.

Kórme komıssary táýelsiz óner­tanýshy jáne Serıýze atyn­daǵy komıtet tóraǵasy Karolın Boıl-Ternerdiń pikirinshe, bul keskindemeler kórmesi tuń­ǵysh ret Fransııa shekarasynan asyp, Eýrazııa keńistigine, so­nyń ishinde qazaq dalasyna kelip otyr, sonymen qatar tý­yn­dylardyń deni keskindeme bol­ǵanymen dekoratıvti ınter­er áshekeılerinen turatyn ar-deko óneriniń biregeı úlgisi. Al kór­meniń kórkemdik mánerine kel­sek, mundaǵy kartınalar kórermendi qııal álemine jete­leıtin modern stıliniń ásemdik sıpatyn sińirgen dúnıeler.

Beken QAIRATULY,

«Egemen Qazaqstan»