Keshe Parlament Senatynda ótken Qazaqstan Respýblıkasy Táýelsizdiginiń 20 jyldyǵyna arnalǵan saltanatty jınalysta Memleket basshysyna «Elbasy» tósbelgisi tapsyryldy.
Tuńǵysh Prezıdent – Elbasy Nursultan Nazarbaevty aıryqsha úlgidegi «Elbasy» belgisimen marapattaý týraly qaýlyny senatorlar biraýyzdan qoldady.
Senat Tóraǵasy Qaırat Mámı atap ótkendeı, depýtattar mundaı sheshimdi qabyldaý arqyly Memleket basshysynyń táýelsiz Qazaqstandy qalyptastyrýdaǵy jáne damytýdaǵy orasan róline tarıhı baǵasyn berdi.
Prezıdent senatorlarǵa atalǵan bastamalary úshin rızashylyǵyn bildirip, Parlamenttiń Qazaqstannyń memlekettiligin nyǵaıtýǵa úlken úles qosqanyn atap ótti.
– Táýelsizdiktiń 20 jyly ishinde Parlament depýtattary eldiń, ekonomıka men qoǵamnyń ıgiligi úshin úlken jumystar atqardy. Bizdiń elimiz bıliktiń barlyq tarmaǵynyń tıimdi ózara is-qımylynyń arqasynda barlyq aýyrtpalyqtar men qıynshylyqtardy eńsere bildi, – dedi Nursultan Nazarbaev.