Astananyń 10 jyldyq mereıtoıyna baılanysty Parlament «Qazaqstan Respýblıkasynyń merekeler týraly» Qazaqstan Respýblıkasyndaǵy zańyna ózgerister men tolyqtyrýlar engizý týraly» zań jobasyn qabyldap, buǵan deıin 10 maýsymda toılanyp kelgen qala kúni datasyn aýystyryp, budan bylaı «6 shilde – Astana kúni» memlekettik mereke bolyp bekitildi. Munyń syrtynda osy jyly Astanada eki birdeı halyqaralyq bedeldi saıası shara – EQYU Parlamentaralyq Assambleıasy men TMD qalalarynyń halyqaralyq assosıasııasynyń sessııasy ótti.
1 aqpan – Qazaqstan Respýblıkasynyń Qorǵanys mınıstrligi men AQSh Qorǵanys mınıstrligi arasynda 2008-2012 jyldarǵa arnalǵan bes jyldyq ózara túsinistik týraly kelisimge qol qoıyldy.
21 aqpan – Astana kósheleri men dańǵyldaryna jańadan ataý berý, qaıta ataý nemese biriktirip ataý týraly sheshim qabyldandy. Osyǵan oraı, keshegi keńes dáýirinen qalǵan totalıtarlyq ataýlar ózgertilip, oǵan qosa jańadan boı kótergen aýdandar men kóshelerge zamanǵa saı jańadan 309 ataý berildi.
21 naýryz – elordada «Astana-Báıterek» klýbynyń qoldaýymen «Delovoı mır» jýrnaly bastamashy bolǵan «Astana – meniń taǵdyrym» atty jobanyń tusaýy kesildi.
16 sáýir – Bishkek–Astana–Bishkek baǵytyndaǵy áýe reısi ashyldy.
6 mamyr – Astana qalasynyń 10 jyldyq mereıtoıy qarsańynda elordanyń damýy men qalyptasýyna eleýli úles qosqan Qazaqstan Respýblıkasy azamattary men sheteldik tulǵalar marapattalatyn «Astananyń 10 jyldyǵy» medali taǵaıyndaldy.
1 shilde – Astana qalasynda bir mezgilde 500 adamǵa qyzmet kórsete alatyn medısınalyq nysan – dıagnostıkalyq ortalyq ashyldy.
1 shilde – Astana qalasynyń 10 jyldyq mereıtoıyna tartý retinde Almaty oblysy atynan Aqbulaq arnasynyń boıynda Jambyl aqynnyń bıiktigi 11 metrlik eskertkishi ornatyldy. Músin avtorlary – Nurlan Dalbaı men Qazybek Jarylǵapov.
1 shilde – Astanalyq saıabaqta «Myńjyldyqtar toǵysyndaǵy Astana» atty kóshpeli órkenıet festıvali ashyldy. Búkil túrki dúnıesiniń ǵajaıyptarynan syr shertetin bul shara astanalyqtar men qala qonaqtarynyń erekshe yqylasyna ıe boldy.
2 shilde – Qazaqstan Respýblıkasynyń Prezıdenti Nursultan Nazarbaev Aqorda men Beıbitshilik jáne kelisim saraıy arasyn jalǵap jatqan Prezıdenttik saıabaqtyń ashylýyna qatysty.
2 shilde – Astana qalasyndaǵy B.Momyshuly dańǵylynyń boıynda aty ańyzǵa aınalǵan batyr Baýyrjan Momyshulynyń eńseli eskertkishi ornatyldy.
2 shilde – Astana qalasynda Elbasynyń tapsyrmasymen irgesi qalanǵan Qazaq gýmanıtarlyq zań ýnıversıtetiniń jańa ǵylymı-oqytý kesheni ǵımaraty ashyldy.
3 shilde – elordanyń 10 jyldyq mereıtoıyna tartý retinde Aqtóbe oblysy atynan qazaqtyń batyr qyzy Álııa Moldaǵulovaǵa arnalǵan «Álııa» memorıaldyq kesheni ashyldy.
3 shilde – Astananyń 10 jyldyǵyna tartý retinde Qyzylorda oblysy syıǵa tartqan «Qorqyt qobyzy» atty músin kompozısııasynyń (Ýálıhanov jáne Omarov kósheleri qıylysy) ashylýy boldy.
3 shilde – Respýblıka dańǵyly men Baraev, Táshenov kósheleriniń qıylysyn oraı salynǵan jolaıryq paıdalanýǵa berildi. Jalpy aýmaǵy 12,6 gektar jerdi alyp jatqan bul qurylys nysanyna 9 mıllıard teńge jumsalǵan.
30 shilde – Astana–Shýche avtobany iske qosyldy. Avtojol uzyndyǵy – 224 shaqyrym. Jobanyń jalpy quny 115 mıllıard teńge. 5 tamyz – Qazaqstan Respýblıkasy Prezıdentiniń Jarlyǵymen Astanada jańadan Esil aýdany quryldy. Aýdannyń jalpy aýmaǵy – 31,2 myń gektar. Jańa aýdanǵa Prıgorodnyı, Komsomol, Zarechnyı, Ilınka, Telman kentteri kirdi.
29 tamyz – Astanada «Appie City Food» et óńdeý zaýyty iske qosyldy. Kúnine 15 tonna et óndire alatyn bul zaýyttyń qurylysy men jabdyqtaryna 31 mıllıon dollar jumsalyp, zaýyt halyqaralyq standarttarǵa saı ónim óndire bastady.
17 qazan – Astanadaǵy Beıbitshilik jáne kelisim saraıynda Elbasy Nursultan Nazarbaevtyń qatysýymen «Ortaq álem: áralýandylyq arqyly ilgerileý» atty forým bastaldy.
30 jeltoqsan – Elbasy Nursultan Nazarbaev Aqordada Beıjiń qalasynda ótken HHIH jazǵy Olımpııa oıyndarynda jeńimpaz jáne júldeger atanǵan qazaqstandyq sportshylardy qabyldady.
Daıyndaǵan
Beken QAIRATULY,
«Egemen Qazaqstan»