Táýelsizdiktiń 18-jyly elimiz úshin ońaı bolǵan joq. О́tken jyldardaǵy qarjylyq daǵdarystan keıin el ekonomıkasyn saýyqtyrýǵa 14 mlrd AQSh dollary jumsaldy. Soǵan qaramastan, elimizdiń altyn-valıýta qory jyldyń sońynda 52 mlrd AQSh dollaryna jetti. «Jol kartasyn» júzege asyrýǵa respýblıkalyq jáne jergilikti bıýdjetterden 191,5 mlrd teńge bólinip, jumyssyzdyq deńgeıi 6,3 paıyzǵa azaıdy. Osy jyly Mınsk qalasynda Belarýs, Qazaqstan jáne Reseı memleketteri basshylary úsh eldiń arasynda Keden odaǵyn qurý týraly qujatqa qol qoıdy.
7 qańtar – Astana qalasynda Aıat, Saıat jáne Janat esimdi úshem dúnıege keldi. Qýanyshty habardy estigen qala ákimi Imanǵalı Tasmaǵambetov bul otbasyna qalanyń qaq ortasynan úsh bólmeli páterdiń kiltin tabystady.
25 aqpan – ekinshi ulttyq halyq sanaǵy bastaldy. Buǵan respýblıka boıynsha bir ýaqytta 50 myńǵa jýyq sanaqshy tartyldy. Halyq sanaǵynyń qorytyndysy boıynsha 1999 jylǵy sanaqpen salystyrǵanda halyq sanynyń ósimi 6,8 paıyzdy qurap, jalpy turǵyndary sany 16196,8 myń adamǵa jetti. Olardyń ishinde: qazaqtar úlesi – 63,6, orystar – 23,3, ózbekter – 2,9, ýkraındar – 2,0, uıǵyrlar – 1,4, tatarlar – 1,2, nemister 1,1 paıyz boldy.
6 sáýir – Prezıdent N.Nazarbaev Astanaǵa resmı saparmen kelgen Iran Islam Respýblıkasynyń basshysy Mahmud Ahmadınejadpen kezdesti.
28 sáýir – Almatyda Prezıdent Nursultan Nazarbaevtyń tóraǵalyq etýimen Halyqaralyq Araldy qutqarý qorynyń (HAQQ) quryltaıshy memleketter basshylarynyń sammıti bolyp ótti.
13 mamyr – Elbasy N.Nazarbaev elimizge resmı saparmen kelgen Koreıa Respýblıkasynyń prezıdenti Lı Men Bakpen kezdesip, eki el arasyndaǵy yntymaqtastyqty tereńdetý jónindegi is-qımyl jospary men «Balqash» jylý elektr stansasy jobasy boıynsha kelisimge qol qoıdy.
15 mamyr – Astanadaǵy Táýelsizdik saraıynda «Nur Otan» halyqtyq demokratııalyq partııasynyń HII sezi ótti. Sezde el Prezıdenti, partııa tóraǵasy Nursultan Nazarbaev sóz sóıledi.
16 maýsym – Elbasy Nursultan Nazarbaev Ekaterınbýrg qalasynda ótken Shanhaı yntymaqtastyq uıymyna múshe memleketter basshylary keńesiniń otyrysyna qatysty.
1 shilde – Astanadaǵy Beıbitshilik jáne kelisim saraıynda Álemdik jáne dástúrli dinder lıderleriniń III sezi bastaldy. Oǵan dúnıejúziniń 35 elinen 77 ókil qatysty.
3 shilde – Astana qalasynyń irgesinde oryn tepken ındýstrııalyq park aýmaǵynda Lokomotıv qurastyrý zaýyty paıdalanýǵa berilip, onyń saltanatty ashylýyna Memleket basshysy Nursultan Nazarbaev qatysty.
29 tamyz – N.Nazarbaev Semeı ıadrolyq polıgony jabylǵan 29 tamyzdy dúnıejúzilik ıadrolyq qarýdy synaýǵa qarsy is-qımyl kúni dep jarııalaý týraly usynys jasady. Bul ıdeıany álemniń jetekshi memleketteri qoldap, BUU Bas Assambleıasy qararymen maquldandy.
30 tamyz – Qazaqstan Konstıtýsııasy kúnine oraı elordada alǵash ret áskerı sherý ótkizildi. Onda Elbasy – Joǵarǵy Bas qolbasshy N.Nazarbaev áskerı sherýdi qabyldady.
12 qarasha – Astana qalasynda Elbasy Nursultan Nazarbaev EQYU-nyń Bas hatshysy Mark Perren de Brıshambomen kezdesti. EQYU-nyń Bas hatshysy elimizdiń aldaǵy jyly EQYU-ǵa tóraǵalyq etýi atalmysh uıymdy damytýǵa úlken septigin tıgizetinin málimdedi.
13 qarasha – Prezıdent N.Nazarbaev tikeleı jeli arqyly qazaqstandyqtarmen suhbat jasady. Onda Elbasy jyldyń negizgi nátıjelerin qorytyndylap, azamattardyń eń ózekti suraqtaryna jaýap berdi. Tikeleı jelige 45 myńnan astam suraq tústi.
12 jeltoqsan – Astanada Qazaqstan Respýblıkasynyń Prezıdenti Nursultan Nazarbaev jáne QHR Tóraǵasy Hý Szıntaonyń qatysýymen «Túrikmenstan – О́zbekstan – Qazaqstan – Qytaı» gaz qubyrynyń qazaqstandyq ýchaskesin paıdalanýǵa berý rásimi ótti.
15 jeltoqsan – Astana qalasynda táýelsizdiktiń 18 jyldyǵyna oraı saltanatty jıyn ótti. Onda sóz sóılegen Memleket basshysy N. Nazarbaev, biz jańa Qazaqstandy – armanymyz ben úmitimizdegi memleketti jasaı otyryp, óz josparlarymyzdy júzege asyryp kelemiz. Qazaq halqy ǵasyrlar boıyndaǵy tarıhynda qazirgideı deńgeıde álem qoǵamdastyǵynyń nazaryn ózine aýdaryp kórgen emes. Bizdiń asqan ıgi jetistigimizdiń ózi osynda dedi.
Daıyndaǵan
Beken QAIRATULY,
«Egemen Qazaqstan»