Jeńimpaz, Jasampaz jıyrma jyl!

Torqaly toı bastaldy.

Búgin Astanadaǵy Táýelsizdik saraıynda Qazaqstan Respýblıkasynyń Táýelsizdiginiń

20 jyldyǵyna arnalǵan saltanatty jınalys ótedi. Toıymyz tarqamasyn,

ardaqty aǵaıyn!

 

EREN EŃBEK ELENDI

Keshe Táýelsiz­dik­tiń 20 jyldyǵy mereıtoıynyń qar­sańynda Elbasy Nursultan Nazarbaev elimizdiń áleýmettik-ekonomıkalyq jáne mádenı-ǵylymı damýyna, Qazaqstan halqynyń birligi men yntymaǵynyń nyǵaıýyna aıryqsha úles qosqan bir top azamatqa memlekettik jáne me­reıtoılyq nagradalar, sonymen birge Memlekettik syı­lyqtar tapsyrdy. Marapattalǵandardyń qata­ryn­da soǵys jáne eńbek ardagerleri, mádenıet, ǵylym, bilim, densaýlyq saqtaý salalarynyń qaıratkerleri, óndiristik sala, bız­nes ókilderi, quqyq qorǵaý jáne áskerı organdardyń qyz­met­kerleri, sportshylar bar. Nagrada tapsyrý rásimin qysqasha sózben ashqan Elbasy N.Nazarbaev aldymen jınalǵandardy Táý­el­sizdiktiń 20 jyldyǵymen qut­tyqtady. Biz kóp qıyndyqtardy eńse­rip, kóp sharýalar jasadyq, sóı­tip, elimizdi dúnıe júzi tanıtyn, syılaıtyn ári senetin jaǵdaıǵa jetkizdik. Osynyń bári barlyq qazaqstandyqtardyń eren eńbe­gi­niń arqasynda múmkin boldy. Uly merekemizdiń qarsańynda men óz Jarlyǵymmen aıryqsha kóz­ge túsken 1,5 myńǵa jýyq qa­zaqstandyqtardy orden-medaldarmen nagradtadym. Árıne, bar­lyq marapatty óz qolymmen tap­syrýǵa múmkindik joq, son­dyq­tan olardy jergilikti jerlerde ákimdikter men salalyq mınıstrlikter basshylary tapsyratyn bolady. Men tek osy jerge sha­qyrylǵan sizderge marapatty óz qolymmen tapsyrmaqpyn, deı kelip, Elbasy «Halyq Qaharmany» ataǵy berilgen Ǵ.Baıtasov, «Qa­zaq­stannyń Eńbek Eri» ataǵyna laıyqty dep tabylǵan U.Qara­ba­lın men S.Tereshenkonyń erlikteri men eńbekterin erekshe atady.   Jambyl oblysy ishki ister departamenti jol polısııasynyń vzvod komandıri Ǵazız Baıtasov qaýipti qylmyskerdiń zııany bas­qa adamdarǵa tımeýi úshin ony qaýipsizdendirý kezinde batyldyq pen erjúrektiliktiń eren úlgisin kórsetip, qaza tapty. Onyń jan­qııar­lyq erligi barsha qazaqstan­dyq­tar men urpaqtardyń esinde qalsyn jáne ol basqa polısııa qyzmetkerlerine úlgi bolsyn dep oǵan «Halyq Qaharmany» ataǵyn berý týraly sheshim qabyldadym, dedi Elbasy. Sonymen qatar, osy qylmyskerdi zalalsyzdandyrý kezinde erlik kórsetken quqyq qorǵaý organdarynyń basqa da qyzmetkerleri tıisti marapat­ta­ryn alatyn bolady. «Qa­zaqstannyń Eńbek Eri» ataǵy Táýelsiz Qa­zaqstannyń tuńǵysh Premer-Mınıstri Sergeı Tereshenkoǵa beriletinin aıta kelip, Elbasy 1990 jyldardyń basyndaǵy qı­yn-qystaý kezeń­der­de onyń óz qa­synan tabylyp, eren eńbek siń­ir­genin aıtyp ótti. Osyndaı ataq­ty alǵan Uzaq­baı Qarabalınniń de munaı-gaz sa­lasyndaǵy aıryqsha eńbegi atal­dy. Ol bul salanyń Qazaq­standaǵy biregeı mamany bolyp sanalady, dedi Elbasy. Joǵary nagradaǵa ıe bolý zor baqyt bolýmen qatar, úlken jaýapkershilik te júkteıdi, deı kelip, joǵa­ry nagrada alǵandardy shyn jú­rekten quttyqtaıtynyn jetkizdi. Sonymen, «Halyq Qahar­ma­ny» ataǵynyń belgisi Ǵazız Baı­tasovtyń jesiri Gúljamal Tá­jıeva­nyń qolyna tapsyryldy. Ol Prezıdenttiń qolynan nag­ra­dany alyp turǵanda el úshin ja­salǵan erliktiń eshqashan da ósh­peı, onyń dańqy árqashan da asa beretindigine kóz jetkendeı bol­dy. Odan keıin «Qazaqstannyń Eńbek Eri» ataǵynyń belgisi «Qa­zaq munaı jáne gaz ınstıtýty» AQ bas dırektory Uzaqbaı Qara­balın men «Integrasııa» halyq­ara­lyq qory basqarmasynyń tóraǵasy Sergeı Tereshenkoǵa berildi. «Otan» ordeni belgili ánshi Áli­­bek Dinishev pen aýyl sha­rýa­shy­­lyǵy salasynyń maıtal­man­da­ry – «Ijevskıı» О́K bas dırektory Ibragım Jan­ǵorazov pen «Rodına» agro­fırmasy» JShS bas dırektory Ivan Saýerge berildi. «Qazaqstan Respýblıkasynyń Tuńǵysh Prezıdenti – Elbasy Nur­sultan Nazarbaev» biregeı ordenimen Ulttyq ǵarysh agent­tiginiń tóraǵasy Talǵat Musabaev pen Memlekettik hatshy Qanat Saýdabaev marapattaldy. I dáre­je­li «Barys» ordeni 1980 jylǵy Olımpıada chempıony, dańqty balýan, qazirgi «Ulttyq komandalar men sporttyq rezerv dıre­k­sııasy» RMQK jattyq­ty­rý­shysy Jaqsylyq Úshkempirovke berildi. II dárejeli «Barys» ordeni­men Qorǵanys mınıstri Ádil­bek Jaqsybekov, Senat Tór­aǵasy Qaırat Mámı, «Qazaqstan temir joly» UK» AQ prezıdenti Asqar Mamın, «Ivolga holdıng» JShS bas dırektory Vasılıı Rozınov, «Ardagerler uıymy» RQB orta­lyǵy keńesiniń tóraǵasy Qaıyr­bek Súleımenov nagradtaldy. Al III dárejeli «Barys» ordenin ENRC PLC aksıonerleri ári negizin qalaýshylary Aleksandr Mash­kevıch pen Patoh Shodıev jáne Prezıdenttiń Is basqa­rý­shysy Serik Úmbetov aldy. Prezıdent I dárejeli «Dańq» ordenimen elimizdiń Bas áskerı prokýrory Erǵalı Merzadınov­ty marapattady. Elbasynyń óz qolymen marapattaýy kezinde «Parasat» ordenin B.Jarbosy­nov atyndaǵy ýrologııa ǵylymı ortalyǵynyń bas dırektory Myr­zakárim Alshynbaev, Qara­ǵan­dy oblysynyń ákimi Serik Ahmetov, Joǵarǵy Sottyń Tór­aǵasy Bektas Beknazarov, Qarjy mınıstri Bolat Jámishev, Ádilet mınıstri Rashıd Túsipbekov aldy. «Qurmet» ordeni Pavlodar qalasyndaǵy lıseı muǵalimi Tatıana Bıchınevaǵa, «Qazaqmys korporasııasy» JShS mashınısi Muratbek Daranovqa, Syrtqy ister mınıstri Erjan Qazyha­nov­qa, Qyzylorda oblysynyń ákimi Bolatbek Qýandyqovqa, Shyǵys Qazaqstandaǵy «Ana men bala or­talyǵynyń» dırektory Raıa Ra­hımovaǵa jáne 1986 jylǵy Jel­toqsan oqıǵasyna belsene qaty­sýshy Jansaıa Sábıtovaǵa berildi. Al «Qazaqstannyń eńbek sińirgen qaıratkeri» qurmetti ataǵy Sh.Aımanov atyndaǵy «Qazaq­fılm» AQ aktrısasy Gúlnár Dos­­matova men T.Júrgenov atyn­­daǵy Qazaq ulttyq óner aka­de­mııasy kafedrasynyń meń­ger­ý­shi­si Darıha Turanqulovaǵa berildi. Bıylǵy jylǵy Memlekettik syılyqqa 12 jumys synǵa túsip, sonyń ekeýi jeńimpaz dep ta­nyl­ǵan edi. Elbasy jeńimpazdardy aıryqsha quttyqtaı kelip, Mıkrobıologııa jáne vırýsologııa ıns­tıtýtyndaǵy A.Sadanovtyń je­tekshiligimen birneshe ǵalym daıyndaǵan eńbekke Memlekettik syılyq berilgenin aıtty. Sóıtip, osy eńbek boıynsha A.Sadanov, S.Aıtkeldıeva, N.Gavrılova, I.Rat­nıkova, U.Ydyrysova, V.Kan jáne E.Shorabaev Memlekettik syı­lyq laýreattary atandy. Sonymen birge, belgili matematık, fızıka-matematıka ǵylym­dary­nyń doktory, akademık As­qar Jumadildaev «Jalpylanǵan kommýtatorlar, kogomologııalar jáne tepe-teńdikter» atty ju­mystar sıkly úshin Memlekettik syılyq aldy. Syılyq alǵan ǵalym: «Men ózimdi jıyrmadaǵy jas jigitteı sezinip turmyn. Boıyma jańa qýat, jańa kúsh engendeı. Eńbegimdi zor baǵalaǵan Sizge degen alǵysym sheksiz, Siz maǵan jańa shabyt bergendeı boldyńyz. Rahmet, aǵa, Táýelsiz Qazaqstan jasasyn!» dedi. Marapattalǵandardy shyn jú­rekten quttyqtaǵan Elbasy N.Nazarbaev pende bolǵannan keıin árkimniń eńbeginiń baǵalanǵany ózi úshin ǵana emes, otbasy, bala­lary, týystary úshin de úlken me­reı ekenin atap kórsetti. О́zde­rińizdiń eńbekterińizben, aqyl-oılaryńyzben jetken marapat­ta­ry­ńyz qutty bolsyn. Jańa ta­bys­tarǵa bastasyn, dedi. Sony­men birge, Qazaqstan táýelsizdi­giniń berik ornaýyna óz hal-qaderinshe eńbek sińirgen barlyq qazaqstandyqtarǵa da rızashy­lyǵyn jetkizdi. Osy kúni Elbasy Nursultan Nazarbaev Táýelsizdikti nyǵaıtý men órkendetýge sińirgen eńbek­teri úshin «Qazaqstan Respýb­lıkasy Táýelsizdigine – 20 jyl» mereıtoılyq medalin Premer-Mınıstr K.Másimovke, Senat Tór­aǵasy Q.Mámıge, Memlekettik hatshy Q.Saýdabaevqa, Prezıdent Ákimshiliginiń Basshysy A.Mý­sınge, Konstıtýsııalyq Ke­ńes Tóraǵasy I.Rogovqa, Joǵar­ǵy Sot Tóraǵasy B.Beknazarovqa, Ulttyq Bank tóraǵasy G.Mar­chenkoǵa, Ortalyq saılaý komıs­sııa­synyń tóraǵasy Q.Turǵan­qu­lov­qa, «Nur Otan» HDP Tóraǵa­synyń birinshi orynbasary N.Nyǵmatýlınge, Prezıdenttiń kó­mek­shisi – Qaýipsizdik Keńesiniń hat­shysy M.Tájınge, Joǵary Sot Keńesiniń tóraǵasy O.Ju­ma­bekovke, Bas Prokýror A.Daýyl­baevqa, Ulttyq qaýipsizdik ko­mı­tetiniń tóraǵasy N.Ábiqaevqa, Res­pýb­lı­kalyq bıýdjettiń oryn­da­lýyn ba­qylaý jónindegi esep komı­te­tiniń tóraǵasy O.О́ksik­baev­qa, Pre­zıdenttiń Is basqarý­shy­sy S.Úmbetovke, Ekonomı­ka­lyq jáne sybaılas jemqorlyqqa qarsy kúres agenttiginiń (qarjy polı­sııasy) tóraǵasy Q.Qojam­ja­rov­qa, Memlekettik qyzmet isteri agenttiginiń tóraǵasy Á.Baımenovke, Prezıdenttiń Kúzet qyz­metiniń bastyǵy M.Aıýbaevqa, «Syrbar» syrtqy barlaý qyz­metiniń dırektory A.Janqu­lıev­ke, Astana men Almaty qalalary jáne barlyq oblystar ákim­derine óz qolymen tapsyrdy.

* * *

Elbasy Nursultan Nazarbaev­tyń Jarlyǵymen Táýelsizdiktiń 20 jyldyǵyna oraı nagrad­tal­ǵan bir top azamattarǵa marapat­ty Memlekettik hatshy Qanat Saý­dabaev tabys etti. Olardyń arasynda I dárejeli «Barys» ordenin alǵan «Jibek joly-Qa­zaq­stan» UK» AQ prezıdenti Asqar Qulybaev, II dárejeli «Barys» ordenin alǵan Ortalyq Azııa ýnıversıtetiniń professory Ju­ma­taı Álıev, III dárejeli «Ba­rys» ordenin alǵan Prezıdenttik mádenıet ortalyǵynyń dırek­tory Myrzataı Joldasbekov, Almaty oblysy Eńbekshiqazaq aýdanynyń ákimi Álıhan Toıbaev, bokstan kásipqoılar arasyn­daǵy álem chempıony Beıbit Shú­menov boldy. Sonymen birge, Mem­lekettik hatshy Respýb­lı­ka­lyq Ulannyń burynǵy qolbas­shysy Abaı Tasbolatovqa I dáre­jeli «Dańq», Ulttyq qaýipsizdik komıteti tóraǵasynyń orynba­sa­ry Qabdolkárim Ábdiqazymov pen Ishki ister áskerleriniń qol­basshysy Rýslan Jaqsylyqovqa jáne Bas prokýrordyń birinshi orynbasary Iogann Merkelge II dárejeli «Dańq» ordenin tabys etti. Al Prezıdent Ákimshiliginiń Aqparattar jáne aqparattyq re­sýrstardy qorǵaý bóliminiń meń­gerýshisi Ǵanı Tileýbaev II dárejeli «Aıbyn» ordenin aldy. Qanat Saýdabaevtyń qolynan «Parasat» ordenin alǵandardyń arasynda О́skemen qalasynyń ákimi Islam Ábishev, K.Baıseıitova atyndaǵy Ulttyq opera jáne balet teatrynyń dırektory Tóleýbek Álpıev, «BankSentrKredıt» AQ dırektorlar keńe­siniń tóraǵasy Baqytbek Baıseıitov, Prezıdenttiń Parlamenttegi ókildiginiń basshysy Asqar Beısenbaev, «Bazıs» qurylys kom­panııasy» JShS dırektorlar ke­ńesiniń tóraǵasy Aleksandr Belovıch, Prezıdent Ákimshiligi Bas­shysynyń orynbasary Talǵat Donaqov, Syrtqy ister mını­str­liginiń jaýapty hatshysy Rápil Joshybaev, Ulttyq ınjenerlik akademııanyń birinshi vıse-prezıdenti Nádir Nádirov, «Kazahstanskaıa pravda» respýblıkalyq gazeti» AQ basqarma tóraǵasy Janaı Omarov, Soltústik Qazaqstan oblysyndaǵy Ǵ.Músirepov aýda­nynyń ákimi Marat Tasma­ǵan­betov, Astana qalasy ákiminiń birinshi orynbasary Sergeı Horoshýn, «Qazaqstannyń halyq banki» AQ basqarma tóraıymy Úmit Shaıahmetova, Prezıdent Ákim­shi­ligi Quqyq qorǵaý júıesi bóli­mi­niń meńgerýshisi Alık Shpekbaev boldy. II dárejeli «Dostyq» ordenin Q.Saýdabaev «Mabetex group» kompanııasynyń basshysy Pakollı Behdjet pen Reseıdiń S.Gerasımov atyndaǵy Búkilreseılik kı­nematografııa ınstıtýtynyń rektory Vladımır Malyshevke tapsyrdy. Memlekettik hatshynyń qoly­nan Prezıdent Ákimshiligi Mem­le­kettik-quqyqtyq bóliminiń meń­gerýshisi Inna Ahmetova, Tal­dyqorǵan qalasynyń ákimi Mahabbat Bıgeldıev, «Qazaqte­le­kom» AQ basqarmasynyń tór­aǵasy Qýanyshbek Esekeev, «Argýmenty ı fakty v Kazahstane» gazetiniń bas redaktory Sergeı Kýzovnıkov, Syrtqy ister mınıstriniń orynbasary Qaırat Sarybaı, «Nur Otan» HDP hat­shysy Qaırat Satybaldy «Qur­met» ordenin aldy. Al «Egemen Qazaqstan» respýblıkalyq gazeti» AQ prezıdenti Saýytbek Abdrahmanov, «Karavan» respýblı­ka­lyq gazetiniń bas redaktory Ádil Ibraev jáne Astana qala­syndaǵy memlekettik fılar­mo­nııanyń aktrısasy Tatıana Hasıanova «Qazaqstannyń eńbek sińirgen qaıratkeri» ataǵyn aldy. Prezıdent Jarlyǵymen berilgen marapattar osy kúni basqa jerlerde de qurmetpen tapsy­ry­lyp jatty. Sonyń ishinde «Qur­met» ordenimen marapattalǵan áriptesimiz Súleımen Mámetke Jazýshylar odaǵy basqar­ma­sy­nyń tóraǵasy N.Orazalın mara­pat­yn redaksııamyzǵa ákelip tap­syrdy. Al «Qazaqstan Táýel­siz­digine – 20 jyl» merekelik medalimen nagradtalǵan áripteste­ri­miz Samat Musa, Qaısar Álim, Marat Aqqul, Súleımen Mámet, Mádına Joldasbaeva jáne Ba­zar­kúl Ahmetke ma­rapattary Baı­la­nys jáne aq­parat mınıstrliginde tabys etildi. Eńbekteri elengen bar­lyq árip­testerimizge otbasy­lyq aman­dyq pen shyǵar­ma­shylyq jańa tabys tileımiz. Jaqsybaı SAMRAT, Sýretterdi túsirgender S.BONDARENKO, B.OTARBAEV.