Dárigerler qýanyshqa bólendi

Qostanaı oblysyndaǵy densaýlyq saqtaý salasynyń qyzmeti de, materıaldyq jaǵdaıy da osydan 20 jyl burynǵy ýaqytpen salystyrýǵa kelmeıdi. Aıyr­ma­shylyǵy jer men kókteı. Búginge deıin oblys óńirindegi barlyq emdeý oryndary ıne-jipten jańa shyqqandaı, jóndeýden ótti. Qostanaı, Rýdnyı qalalarynda jańa medısınalyq nysandar salynyp, halyq ıgiligine jarap otyr. Aýrýhanalar sheteldik úzdik medısına­lyq quraldarmen jabdyq­tal­dy. Bir mysal. Basqasyn aıtpa­ǵanda, aýdandardaǵy dári­gerler júzdegen sha­qy­rymǵa at sabyltpaı-aq vıdeoqural arqyly oblystyq aýrýhanadaǵy árip­tes­terinen qajet keńes ala beredi. Kúrdeli operasııa qajetsinetin, aýyr naý­qas­tardy jyldam oblys ortalyǵyna jetkizýge de múmkindik mol. Munyń ózi ana men bala jáne jalpy adam shyǵynyna jol bermeıdi. Mine, jaqynda aýdandar men qalalardaǵy «Jedel járdem» stansalary men emhanalar «reanomobıl» dep atalatyn jyljymaly medısınalyq keshenge ıe boldy. Oblys ákimi Sergeı Kýlagın Qostanaı, Arqalyq, Rýdnyı qala­laryn­daǵy «Jedel járdem» stansalary men Jitiqara aýdandyq aýrýhanasyna, Lısakov qalalyq emha­na­syna osyndaı jyljymaly medısınalyq «Jedel járdem» kesheniniń kiltin tap­syrdy. Olardyń baǵasy 70 mıllıon teńge bolsa, al oblystyq balalar aýrý­ha­na­syna tapsyrylǵan osyndaı keshenniń ózi oblys bıýd­jetine 5 mıllıon teńgege tústi. Qazan aıynyń basynda oblystyq jáne oblystyq balalar, Arqalyq qalalyq aýrýhanalaryna bir ózi bir emhananyń júgin arqalaıtyn jyljymaly me­dı­sınalyq keshen tartý etilgen bolatyn. Bul zamanaýı jabdyqtar úshin 256 mıllıon teńge jumsaldy. Onyń qaıtarymy qazirdiń ózinde bilinip otyr. Eki aıǵa tol­maıtyn ýaqyttyń ishinde osy jyljymaly medısınalyq keshen aýdandar men aýyldardy aralap, 6 myń adamnyń densaýlyǵyn tekserdi. – Táýelsizdik alǵan jyldardan beri jetken jetistikterdiń barlyǵy da kóz al­dy­myzda. Eshteńeni dabyraıtyp, oıdan qosýdyń qajeti joq. Oblysymyzdyń densaýlyq saqtaý sala­sy, ásirese sońǵy on jyldyń ishinde adam tanymastaı ózgerip, damydy. Medısına salasyna kóp qarjy quıyldy, dárigerlerdiń áleýmettik jaǵdaıy da jaqsaryp keledi, jalaqysy ósti. Sizder endi adamdy emdep qana qoımaı, aýrýdyń aldyn alý jumystaryn kúsheıtýlerińiz kerek. Jan-jaqty damyp kele jatqan táýelsiz elimizdegi talap osyndaı, –dedi oblys ákimi Sergeı Kýlagın úzdik medısınalyq keshenderdiń kiltip tapsyryp turyp. Bul dárigerler úshin de, jalpy jurtshylyq úshin de mereke aldyndaǵy shyn mánindegi qýanysh boldy. Názıra JÁRIMBETOVA. Qostanaı.