Assambleıa qaǵıdasy: bir el – bir taǵdyr

Qadirli otandastar! Bú­gin biz­diń halqymyzdyń ómirinde erekshe mańyzdy tarıhı kún. Biz Ota­nymyz – Qazaqstan Respýb­lıkasy Táýelsizdiginiń 20 jyl­dyǵyn birlikte, beıbitshilikte, mamyrajaı zamanda merekeleýdemiz. Biz qazaq halqynyń ǵasyrlar boıy armandaǵan uly muratynyń aqıqatqa aınalyp, qazaq jerinde azattyqtyń aq tańynyń araılap atqanyna kýá boldyq. Táýelsizdik – Qazaqstan halqy úshin qas­terli uǵym, uly oqıǵa, óshpeıtin qundylyq. Eń kúrdeli kezeńderde qazaq halqynyń kemeń­gerligi men toleranttylyǵy, aqjarqyn kóńili men qonaqjaı qasıeti jańa memlekettiń azamattary­nyń etnostyq shyǵý tegine qaramastan uıystyrý­shy bastaý boldy. Jas memlekettiń tórt qubylasy teńelip, irgesi bekitilgen osy jyldar ishinde elimizdiń Tuńǵysh Prezıdenti – Ult kóshbasshysy Nursultan Ábish­uly Nazarbaevtyń salıqaly saıasatynyń arqasyn­da Qazaqstanda jańa ekonomıkalyq jáne saıası qatynastar júıesi qalyptasty. Prezıdenttiń basshylyǵymen álemdik qaýym­das­tyqpen eń tıimdi júıelerdiń biri dep tanylǵan etnosaralyq toleranttylyq pen qoǵamdyq kelisimniń qazaqstandyq úlgisi iske asty. Birliksiz – ult joq. Ultsyz – memleket joq. Mem­leketsiz bolashaq joq. Osy bir qarapaıym qaǵı­dalar etnosaralyq qatynastar salasyndaǵy memlekettik saıasattyń bastaýyna aınaldy jáne jas memlekettiń adymdy qadam­darmen damýyn qamtamasyz etti. Osynyń arqasynda Qazaqstan Táýelsizdiktiń 20 jyly ishinde júz jylǵa tatıtyn joldy basyp ótti. Qazaqstan halqy Assambleıasy qoǵamdaǵy aza­mattyq beıbitshilik, qoǵamdyq kelisim jáne saıası turaqtylyqtyń irgetasyna aınaldy. Búginde Assambleıa «bir el – bir taǵdyr» qaǵı­dasy boıynsha el birligin qalyptastyrýdyń eń basty tetikteriniń birine aınaldy. Táýelsizdik, memlekettik til, mádenı-tildik ár­alýandyqty saqtaý, qoǵamdy ekonomıkalyq-áleý­mettik jańǵyrtý onyń qyzmetiniń basty qaına­ryna aınaldy. Qazaqstan halqy Táýelsizdiktiń 20 jyldyǵyn óziniń ótkenine maqtanyshpen jáne bolashaǵyna senimmen qarsy alady. Biz keleshek urpaqqa laıyq­ty mıras – erikti, táýelsiz, bolashaqqa umtylǵan Qazaqstandy qalyptastyryp qaldyramyz. Qazaqstan halqy Assambleıasy barsha Qazaq­stan halqyn osy tarıhı oqıǵamen, bizdiń birligimizben, beıbitshilikpen jáne qasıetti qazaq jeri­niń tutastyǵymen quttyqtaıdy. Osy jarqyn mereke jalyndy jiger syılap, Otanymyzdyń ıgiligi jolyndaǵy izgi maqsattarǵa qol jetkizýge jol ashsyn! Birligimiz ben berekemiz baıandy, Táýel­sizdigimiz tuǵyrly, memlekettigimiz máńgi bolsyn! Merekelerińizben, qadirli otandastar!

Qazaqstan halqy Assambleıasy