TMD Atqarý komıtetiniń tóraǵasy: Dostastyqty qalyptastyrýdaǵy eren eńbek

Asa qurmetti Nursultan Ábishuly!

Sizdiń týǵan kúnińizge jáne Qazaqstannyń astanasynyń 20 jyldyq mereıtoıyna oraı meniń shyn júrekten qut­tyq­taýymdy qa­byl alyńyz.  Táýelsiz Qazaqstanǵa kúr­deli jáne betburysty jyldary bas­shylyq jasaı otyryp, Siz eldi danalyqpen senimdi túrde demokratııa men progress jolynda basqaryp kelesiz. Osy jyldar boıy Siz Qazaqstan halqynyń mo­ıyndalǵan kóshbasshysy ǵana emes, jahandyq syn-qaterlerdiń sheshimin dál tabatyn, álemdik saıasat arenasyndaǵy sózi men isi qabysqan jarqyn tulǵaǵa aı­naldyńyz. 

Táýelsiz memleketter dos­tas­­tyǵy keńistiginde Siz­diń kóp­­jaqty memleketaralyq yn­ty­maqtastyqty damytýǵa qos­qan jeke úlesińizdi óte joǵary ba­ǵalaıdy. Dostastyqtyń qa­lyptasý kezeń­deri men qazirgi formattaǵy qyz­meti Sizdiń esi­mińizben tikeleı baılanys­ty. О́ıt­keni Siz engizgen bas­ta­ma­shy­lyqtar TMD-nyń odan ári­ damýy tujy­rymdamasynyń, onyń atqarýshy organdaryn oń­taılandyrý men zamanaýı jaǵdaıǵa beıimdeý negizine alyndy. TMD keńistigindegi ın­te­grasııalyq yn­ty­­­­­­maq­­­tastyqqa siz­diń dás­t­úrli qoldaýyńyz Qazaq­stan Respýblıkasynyń júıeli damýyna, dos­tastyq memleketteriniń kóp qyrly is-qımylyn jáne kórshilik qatynasyn damytýǵa odan ári yqpal ete beretindigine senimdimin. 

Siz eýrazııalyq kontınent or­­ta­lyǵynda keremet qalany qa­­­lyptastyra otyryp, Astana beı­nesine tereń saıası jáne rýha­nı mán engizdińiz. Búginde Astana – zamanaýı qaıtalanbas ar­­­hı­tektýralyq ór­negi bar, Eýropa men Azııa mádenıeti as­tasqan kere­met astanalardyń biri. Ol – ult­tyq ıdeıa men mem­lekettiliktiń ushtasýynyń sımvo­ly. Jal­py, As­tananyń salynýy, damýy post­keńestik el­der­ ara­syndaǵy eń úl­­ken mega­­jo­baǵa aınaldy. Qala iri halyq­ara­­lyq aýqymdy forým­dar, je­­tek­­shi el­derdiń memleket bas­shy­lary­nyń kez­desýleri, dinı-kon­fes­sııaaralyq kon­ferensııalar, áleý­met­tik-mádenı, sporttyq jáne gý­manıtarlyq sharalar jıi ótetin eńseli ordaǵa aınaldy. 

Álem astanalarynyń ortasy­nan laıyqty ornyn alyp úlger­gen, alǵa umtylǵan jas As­tana odan ári sulýlanyp, aıbyndana tús­sin! 

Sizge, qadirli Nursultan Ábish­uly, denińizge saýlyq, al kóp qyr­­­ly memlekettik qyzmetińizge tabys tileımin.   Sergeı LEBEDEV, TMD Atqarý komıtetiniń tóraǵasy – Atqarýshy hatshy