Qazaqstan BUU Qaýipsizdik Keńesiniń turaqty emes múshesi bolyp saılandy. Bas Assambleıada ótken daýys berý kezinde elimiz 138 memlekettiń qoldaýyna ıe boldy. Sonymen qatar jyldyń basynda Qazaqstan Konstıtýsııasynyń 19-babyna 26 ózgeris engizildi. Oǵan sáıkes 40-qa jýyq ókilettilik Úkimet pen Parlamentke bólip berildi. Elimizde EKSPO-dan bólek taǵy bir úlken oqıǵa – 29 qańtar men 8 aqpan aralyǵynda Almatyda Qysqy Ýnıversıada oıyndary ótti. Dúbirli dodaǵa álemniń 57 elinen kelgen sportshylar sporttyń 12 túri boıynsha saıysty. Jyldyń taǵy bir jańalyǵy – qańtar aıynan bastap Qazaqstanǵa 48 memlekettiń turǵyndary vızasyz rejimde qonaqqa kele alatyn boldy.
10 qańtar – Astana vokzaly aýmaǵynda kólik qoıýǵa arnalǵan 251 oryndyq turaq aqyly rejimge kóshti. Nátıjesinde, vokzal mańynda kólik júktemesi 25 prosentke azaıdy.
25 qańtar – dúnıejúzilik Qysqy Ýnıversıada alaýy elordadan bastaý aldy. Nazarbaev Ýnıversıtetinde ótken rásimge Elbasy N.Nazarbaev qatysyp, elimiz týyn bıatlonshy Dáýlet Rahymbaevqa tabystady.
16 aqpan – EKSPO-2017 halyqaralyq kórmesiniń kádesyı ónimderi tanystyryldy.
25 aqpan – Esil ózeniniń ústine turǵyzylǵan «Qys órnegi» atty sport qalashyǵynda buqaralyq festıval ótip, oǵan 3 myńǵa jýyq adam qatysty.
21 naýryz – elordadaǵy «Saryarqa» velotrek saraıynda «Naýryz – jańa beles, jańa órleý» atty mereke uıymdastyrylyp, oǵan Elbasy N.Nazarbaev qatysty.
4 sáýir – qala ákimdigine qarasty mekemeler «Bir tereze» tásilimen qyzmet kórsetýge kóshti.
12 sáýir – Memleket basshysy N.Nazarbaevtyń «Bolashaqqa baǵdar: rýhanı jańǵyrý» atty maqalasy «Egemen Qazaqstan» gazetine shyqty.
28 sáýir – EKSPO-2017 kórmesiniń mıllıonynshy bıletin Shymkent turǵyny Qaırat Mamaev satyp aldy.
2 mamyr – qala ákimdigi janyndaǵy «Zhebe» jáne «EKO taksı» brendimen qyzmet kórsetetin kompanııalar AstanaTaxi ınvestısııalyq jobasy aıasynda jańa kólikterge ıe boldy.
10 mamyr – «Máńgilik el» saltanat qaqpasynyń ushar bıiginde qalany sholý alańy men odan sál tómenirekte kórme galereıasy ashyldy.
19 mamyr – qazaqstandyq Olımpıada chempıondary men júldegerleri elordadaǵy «Chempıondar alleıasyna» aǵash otyrǵyzdy.
31 mamyr – elordada «Nurly jol» vokzaly men Astana halyqaralyq áýejaıynyń jańa termınaly ashyldy.
9 maýsym – EKSPO-2017 kórmesine oraı qala kóshelerine jeti mıllıon gúl egildi.
15 maýsym – elorda sımvoly «Báıterek» monýmenti kúrdeli jóndeýden ótip, jańadan LED ekrany ornatylǵan óner galereıasy ashyldy.
16 maýsym – áıgili «dıý Soleı» sırki úsh aı boıy astanalyqtar men qala qonaqtaryna óner kórsetti.
21 maýsym – Astana halyqaralyq áýejaıy Elbasy N.Nazarbaevtyń esimimen atalatyn boldy.
22 shilde – Astanada «Eýrazııa» XIII halyqaralyq kınofestıvali bastaldy. Sharaǵa amerıkalyq akter, prodıýser, kınorejısser Nıkolas Keıdj men «Oskar» syılyǵynyń ıegeri Edrıan Broýdı keldi.
1 tamyz – álemge áıgili ánshi, opera maıtalmany Plasıdo Domıngo «Astana Opera» memlekettik opera jáne balet teatrynda qoıylǵan D.Verdıdiń «Travıata» operasynda óner kórsetti.
25 tamyz – EKSPO-2017 kórmesine kelgen máskeýlik Iýrıı Shýrygın úsh mıllıonynshy qonaq bolyp tirkeldi.
25 tamyz – EKSPO qalashyǵy aýmaǵynda bes juldyzdy «Hılton» qonaqúıi ashyldy.
10 qyrkúıek – úsh aı boıy jalaýy jelbiregen EKSPO-2017 halyqaralyq mamandandyrylǵan kórme óz jumysyn aıaqtady. Kórmeni 4 mıllıon adam tamashalasa, árbir altynshy qonaq sheteldik boldy. «Nur Álem» ulttyq pavılony kórmeniń eń tanymal ortalyǵyna aınaldy. Oǵan 1 mln 300 myń adam kirip shyqty.
27 qyrkúıek – Astanadaǵy «Araı» saıabaǵynyń ishinde «Qazaqstan – Koreıa» dostyq baqshasy ashyldy.
27 qyrkúıek – Prezıdent N.Nazarbaev Astana qalasynyń 20 jyldyǵyn merekeleý týraly ókimge qol qoıdy.
27 qazan – Memleket basshysy qazaq tili álipbıin kırıllısadan latyn grafıkasyna kóshirý týraly Jarlyqqa qol qoıdy.
8 jeltoqsan – aldaǵy jyly bolatyn bas shahardyń 20 jyldyq mereıtoıyna oraı elordaǵa arnalǵan poshtalyq markanyń tanystyrylymy ótti.
Daıyndaǵan Beken QAIRATULY, «Egemen Qazaqstan»