Ortalyq Azııadaǵy sırk ónerine arnalǵan birden bir saıys – «Azııa jańǵyryǵy» halyqaralyq festıvali shildeniń 4-i men 8-i aralyǵynda Astanada ótedi. Bul týraly Astana qalasy Mádenıet jáne sport basqarmasynyń baspasóz qyzmeti habarlady.
Jyl saıyn festıvalge sırk óneriniń eń myqty artısteri ózderiniń úzdik jetistikterin kópshilik nazaryna usynady.
Astanalyq sırk kúmbeziniń astynda eki konkýrstyq baǵdarlama aıasynda 12 memleketten 60-tan asa artıst óner kórsetýde. Bıyl Astanaǵa Qazaqstan, Qyrǵyzstan, О́zbekstan, Túrkmenstan, Vetnam, Reseı, Belarýs, Fransııa, Kanada, Nıkaragýa, Efıopııa jáne Vengrııa elderiniń sırk óneriniń maıtalmandary bas qosady.
Sırk ındýstrııasy men mádenıet qaıratkerlerinen quralǵan halyqaralyq tóreshiler komandasy qatysýshylardyń sheberligin baǵalaıdy.
Qazylar alqasynyń tóraǵasy – «Astanalyq sırk» MKQK bas dırektory, Qazaqstannyń eńbek sińirgen artısi Erik Joljaqsynov. Budan basqa, qazylar alqasynyń quramyna Ýkraına ulttyq sırkiniń dırektory, KSRO halyq artısi Lıýdmıla Shevchenko (Ýkraına), Belarýs Memlekettik sırkiniń dırektory Vladımır Shaban (Belarýs), Monte-Karlodaǵy Halyqaralyq sırk festıvaliniń vıse-prezıdenti Ýrs Pıls (Monte-Karlo), «Latıno» halyqaralyq sırk festıvaliniń prezıdenti Fabıo Montıko (Italııa), Velkı sırkiniń bas dırektory Djerzı Kozıak, Maıamıdegi Faerbıordprodakshn kompanııasynyń prezıdenti Petr Dýbınskıı, «Erevan sırkiniń» kórkemdik jetekshisi, bas dırektory Sos Iosıf Petrosıan (Armenııa), Saha Respýblıkasynyń «Marfa jáne Sergeı Rastorgýevtar atyndaǵy Memlekettik sırkiniń» dırektory Sergeı Rastorgýev (Iаkýtııa), Ýkraına Memlekettik sırk kompanııasynyń dırektory ári kórkemdik jetekshisi Sergeı Kabakov (Ýkraına), «Sırk artısteriniń assosıasııasy» qoǵamdyq uıymynyń múshesi-quryltaıshysy Lolıta Lıpınska (Latvııa), Túrkmendik sırk dırektory Ilamanov Annamýhammed (Túrkmenstan), Qazaq Memlekettik sırkiniń dırektory – kórkemdik jetekshisi, mádenıettanýshy Baqyt Bókebaev (Qazaqstan) jáne «Ońtústik-Sırk» bas dırektory Arman Álıev (Qazaqstan) endi.
Qurmetti qonaq retinde festıvalge Vengrııadan tanymal pil úıretýshi Rıchard Takas pen Ýkraınadan shoý-baǵdarlamalardyń jetekshisi Vıktorııa Grısenko shaqyryldy.