Ázirbaıjan astanasyndaǵy Geıdar Alıev ortalyǵynda Qazaqstannyń elordasynyń 20-jyldyǵyna arnalǵan «Astana – uly Dala jaýhary» atty fotokórme ótti. Is –shara QR Tuńǵysh Prezıdenti – Elbasynyń qory, Qazaqstan Respýblıkasynyń Ázirbaıjandaǵy elshiligi jáne Geıdar Alıev Qorynyń uıymdastyrýymen ótti, dep habarlaıdy QR Tuńǵysh Prezıdeni – Elbasy qorynyń baspasóz qyzmeti.
Fotokórmeni QR Tuńǵysh Prezıdenti – Elbasy qorynyń atqarýshy dırektorynyń orynbasary Igor Rogov pen Geıdar Alıev ortalyǵynyń dırektorynyń birinshi orynbasary Adıl Kerımlı ashty.
«Astana – uly Dala jaýhary» fotokórmesi Máskeý, Madrıd, Sankt-Peterbýrg, Gaaga, Býharest, Astrahan qalalarynda bolyp úlgerdi. Bolashaqta London, Parıj, Berlın jáne Beıjiń qalalarynda bolmaq.
Birinshi bolyp fotokórmeni Ázirbaıjannyń belgili memleket qaıratkerleri, dıplomatııalyq korpýs, mádenıet qaıratkerleri jáne jýrnalıster tamashalaı aldy.Qurmetti qonaqtardyń ishinde Ázirbaıjan Parlamentiniń depýtattary, Venesııalyq Komıssııanyń Prezıdenti Djannı Býkıkkıojáne Ázirbaıjannyń Konstıtýsııalyq sotynyń tóraǵasy Farhad Abdýllaevbastaǵan Eýropa jáne TMD elderiniń Konstıtýsııalyq sotttarynyńbasshylary boldy.
Qonaqtar Báıterek, Pıramıda jáne Nur Álem ǵımarattarynásirese atap ótti.Sonymen qatar «Turan» etno-folklorlyq tobynyń óneri jınalǵan qaýymǵa óte unady.
Mádenı is-shara barysynda kelgen qonaqtarǵa Astananyń 20-jyldyǵyna arnalǵan «A Day in Astana» fotoalbomy jáne «Býrabaı» ulttyq memlekettik tabıǵı baǵyna arnalǵan«A Day in Burabay» atty fotalbomdary tartý etildi. Bul albomdar QR Tuńǵysh Prezıdenti qorynyń tapsyrysy boıynsha ázirlendi. Birinshi albom Astananyń ýltra zamanaýı ǵımarattary, olardyń arhıtektýralyq jáne tehnıkalyq erekshelikteri kórsetilgen fotosýretterden turady. Ekinshi fotoalbom «Qazaqstandyq Shveısarııanyń» keremetimen tanystyrady.
QR Tuńǵysh Prezıdenti – Elbasy qorynyń atqarýshy dırektorynyń orynbasary Igor Rogov: «2018 - bul Qazaqstan úshin erekshe jyl. Búgin bizdiń elordamyz óziniń 20 jyldyǵyn atap ótýde. Biz úshin bul oqıǵanyń tarıhı mańyzy zor. Búginde Astanany qazaq dalasynyń jaýHary dep ataýǵa bolady. Astana táýelsizdiktiń, jańa sheksiz múmkindikterdiń, batyl ıdeıalar men qazaq halqynyń úmitiniń kórinisi bolyp tabylady.20 jyl buryn Qazaqstan Prezıdenti qabyldaǵan tarıhı sheshim búkil memlekettiń damýy men órkendeýine jańa serpin berdi».
Qazaqstan halqyn Astananyń mereıtoıymen quttyqtaı otyryp, Geıdar Alıev Ortalyǵynyń dırektorynyń birinshi orynbasary Adıl Kerımlı bylaı dep atap ótti: «Búgingi is-shara Geıdar Alıev Qory men Qazaqstan Respýblıkasy Tuńǵysh Prezıdenti Qory arasyndaǵy yntymaqtastyq týraly memorandým aıasynda ótkizildi. Bizdiń yntymaqtastyǵymyz elderimizdiń mádenı, tarıhı jáne ǵylymı muralaryn zerdeleýge jáne taratýǵa, halyqtar dostyǵyn kúsheıtýge baǵyttalǵan».
Sonymen qatar Ázirbaıjanǵa sapar barysynda QR Tuńǵysh Prezıdenti – Elbasy qorynyń atqarýshy dırektorynyń orynbasary Igor Rogov «Quqyqtyq memleket pen konstıtýsııalyq ádilettilik: qundylyqtar jáne basymdyqtar» atty halyqaralyq konferensııasynda«2017 jylǵy konstıtýsııalyq reforma jáne Qazaqstannyń quqyqtyq júıesiniń jańǵyrtylýy»taqyrybynda baıandamajasady.Bul is-shara Ázirbaıjan Respýblıkasynyń Konstıtýsııalyq sotynyń 20 jyldyǵynyń aıasynda ótkizildi.