Búgin Úkimet úıinde QR Premer-Mınıstri Baqytjan Saǵyntaevtyń tóraǵalyǵymen «Samuryq-Qazyna» ulttyq ál-aýqat qory» AQ Dırektorlar keńesiniń otyrysy ótti, dep habarlaıdy primeminister.kz.
Otyrys barysynda «Samuryq-Qazyna» AQ transformasııa baǵdarlamasyn iske asyrý barysy, jekeshelendirý máseleleri talqylanyp, sondaı-aq 2017 jyly atqarylǵan jumystar qorytyndysy shyǵarylyp, kompanııanyń 2018–2022 jyldarǵa arnalǵan damý josparlary qaraldy.
Otyrys qatysýshylary 2014 jyldan bastap 2018 jyldyń 1 toqsany aralyǵyndaǵy paıda men ınvestısııalar týraly málimetterden turatyn Qordyń Transformasııa baǵdarlamasyn iske asyrý týraly esebin tyńdady. Qordyń Dırektorlar keńesinde Esepti júıeli túrde qaraý bolashaqta Baǵdarlamanyń bastamalaryn engizý tıimdiligin arttyrýǵa jol ashatyn basqarý sheshimderin ýaqytyly qabyldaý jáne áreket jasaý úshin qajet.