Ortalyq kommýnıkasııalar qyzmetinde Qazaqstan Respýblıkasynyń Birinshi Prezıdenti – Elbasy Qory, Ádilet mınıstrligi jáne «Ulttyq zııatkerlik menshik ınstıtýty» RMK-men birlese oqýshylar arasynda kólik salasy boıynsha baıqaý jarııalanǵanyn málimdedi.
«Baıqaý oqýshylardyń kólik salasyna degen qyzyǵýshylyǵyn arttyrýǵa jáne oqýshylardyń mamandyq tańdaýda sanaly sheshim qabyldaýyna baǵyttalǵan. Baıqaý alǵashqy ret jasóspirimderdiń arasynda fýnksıonaldyq saýattylyq pen synı turǵydan oılaý qabiletin damytý qajettiligi atalyp ótken Qazaqstan Respýblıkasynyń Prezıdentiniń «Qazaqstannyń Úshinshi jańǵyrýy: jahandyq básekege qabilettilik» atty Qazaqstan halqyna joldaýyn júzege asyrý aıasynda 2017 jyly ótkizildi. Baıqaýdyń qosalqy uıymdastyrýshylary bolyp Ulybrıtanııanyń ǵylym, tehnıka, tehnologııa jáne basqarý salalaryndaǵy kóshbasshy JOO biri bolyp tabylatyn frank-brıtandyq Krenfıld ǵylymı-zertteý ýnıversıteti (Ulybrıtanııa), sondaı-aq Nazarbaev ýnıversıteti tabylady. Konkýrstyń áriptesteri retinde Eır Astana Ulttyq tasymaldaýshysy jáne «Samruk-Kazyna Trust» KQ bolyp tabylady», dedi Ádilet mınıstrligi Zııatkerlik menshik quqyǵy departamentiniń dırektory Qarlyǵash Esenbaeva.
Uıymdastyrýshylardyń sózine súıensek, baıqaýdyń qatysýshylary retinde aǵylshyn tilin jetik biletin, fızıka-matematıka jáne jaratylystaný ǵylymdarynyń salasynda olımpıada jeńimpazdary bar, sondaı-aq ózdik jobalyq jumys jasaý tájirıbesi bar, Qazaqstan Respýblıkasynyń jalpy bilim beretin mektepterdiń 16-dan 18-ge deıin jas aralyǵyndaǵy oqýshylar qatysady. Komandalar oblystar men respýblıkalyq mańyzy bar qalalardyń ákimdikterimen qurylady.
Aıta ketetin taǵy bir jaıt, irikteý kezeńi 2018 jyly shildeniń 24-26 aralyǵynda Astana qalasynda ótedi, qorytyndylary boıynsha aqtyq synǵa shyqqan komandalar 19-26 tamyz aralyǵynda Krenfıld ýnıversıtetine oqý-tanysý saparyna attandyrylady.
Raýan QAIDAR, «Egemen Qazaqstan»