IT-mamandar arasynda irikteý júrgiziledi

– Elbasy aıtyp ótkendeı, búgingi tańda el básekege qabiletti bolý úshin paıdaly qazbalar jetkiliksiz, ol úshin memleket, ási­rese sıfrly tehnologııalar sala­synda aldyńǵy qatarda bolýy kerek. Biz «Samuryq-Qazy­na» AQ kompanııalar toby retin­de sıfr­ly tehnologııalardy da­mytýǵa múddelimiz, dedi Á.Pir­metov.

Baǵdarlamanyń negizgi maqsa­ty – aqparattyq tehnologııalarǵa qyzyǵýshylyq bildirgen jáne de Qor kompanııalarynda aqpa­rat­tyq tehnologııalardyń damýyna úles qosýǵa nıetti mamandardy anyqtaý.

Úsh apta ishinde atalǵan baǵ­dar­lama úlken suranysqa ıe bolyp, ótinim bergenderdiń sany 2100-ge jetken jáne olar­dyń 500-i negizgi IT bilimin tekse­re­tin synaqtan súrinbeı ótse, sonyń ishinde 72 jas maman taǵylym­da­maǵa shaqyrylatyn bolyp otyr.

Aıta keterligi, taǵy­lym­dama 1 shildeden bastalyp, 31 ta­myzǵa deıin Astana, Almaty, О́s­kemen, Pavlodar jáne Aty­raý qalalarynda jalǵa­sady. Oǵan qatysý úshin kási­bı tájirı­beniń bolýy mindet­ti emes. Tek aq­pa­rat­tyq júıeler men ınfra­qu­­ry­­­l­­ymdy ákimshilen­dirý, joba­­lyq basqarý, baǵdarla­malaý, qo­sym­shalar arhıtektýra­sy, aq­pa­rat­tyq qaýipsizdik qaǵı­dalary sala­synda negizgi bilimi bolsa jet­kilikti. 

Oqytý baǵdarlamasyn Qor álemdik IT kóshbasshylarymen birlese ázirledi. Taǵylymdamadan ótetin jastarǵa IT salasyndaǵy yqpaldy ári iri  SAP, Microsoft, Oracle, Cisco, HP, IBM, Huawei syn­dy kompanııalardyń ónim­deri­men birge jumys istep, táji­rı­be jınaqtaýǵa múmkindik mol.

Baǵdarlama sońynda alǵyr­lyǵymen kózge túsken tálim­ger­ler «QazMunaıGaz» UK» AQ, «Qazatomónerkásip» UAK» AQ, «Qa­zaq­stan temir joly» UK» AQ, «Qazposhta» AQ, «Samuryq-Ener­go» AQ, «Qazaqtelekom» AQ, «Taý-Ken Samuryq» AQ, «KO­REM» AQ,  «Qazaq Air» AQ, «Energoınform» AQ, «Samuryq-Qazy­na Kontrakt» JShS jáne «Bir­lesken hımııalyq kompanııa» JShS syndy bedeldi kompa­nııalarǵa jumysqa ornalasý múmkindigine ıe bolady.

Erkejan AITQAZY, «Egemen Qazaqstan»