Bul týraly búgin medısına salasyn jańǵyrtý máseleri jónindegi semınar-keńeste elorda ákimi Áset Isekeshev málimdedi.
«Densaýlyqty saqtaý - bul aldyn alý sharasy. Biz munda buqaralyq sportty, onyń ishinde múmkindigi shekteýli adamdar úshin de damýdy qosamyz. Bıyl biz jalpy aýmaǵy 115 gektar bolatyn qosymsha 2 saıabaq pen 9 gúl baǵyn salamyz. Jumys istep turǵan jáne jańadan salynǵan saıabaqtar men gúlbaqtarynda mindetti túrde velosıpıedke jáne júgirýge arnalǵan joldar jasaımyz, barlyq aýlalarda sporttyq qurylǵylar bolady. Biz buqaralyq sportpen aınalysý ómir sapasyn aıtarlyqtaı jaqsartatyndyǵyn jáne adamdardyń az aýrýyna sep bolatyndyǵyn kórip otyrmyz. Biz bul jumystardy odan ári de jalǵastyramyz», - dedi Áset Isekeshev.
Aıta keteıik, 1 shildede Memleket basshysy qaladaǵy jańa nysandarmen tanysý barysynda elordanyń 20 jyldyǵyna oraı Almaty oblysy qaıta jóndeýden ótkizgen «Jetisý» saıabaǵyna bardy. Sonymen qatar, Nursultan Nazarbaev qalanyń Almaty aýdanynda ornalasqan «Jeruıyq» saıabaǵyn aralap kórdi. Onda Elbasyna 19 jyl buryn ózi otyrǵyzǵan alǵashqy aǵash kórsetildi.