Qazaqstan Táýelsizdiginiń 20 jyldyǵy merekesinde jeltoqsandyqtardyń bir tobyna jańa baspana beriletin boldy. Almaty qalalyq ákimdiginde ótken jıynda qala ákiminiń orynbasary Serik Seıdýmanov budan shırek ǵasyr buryn, ıaǵnı 1986 jyldyń jeltoqsan aıynda Almatyda ótken Jeltoqsan oqıǵasyna qatysqandarǵa memlekettik turǵyn úı qorynan alty páter bólingeni týraly habarlady.
Olardyń arasynda Serik Tólegen, Amanǵazy Káripjan, Baqytjan Turdalıeva, Ǵaınolla Aımanov, Asqarbaı Bekbosynov jáne Valerıı Karo-Made sııaqty turǵyndar bar. Almaty qalasynyń Bostandyq, Almaly jáne Áýezov aýdandyq ákimdikterinde turǵyn úı kezeginde turǵandar Qazaqstan Respýblıkasy Táýelsizdiginiń 20 jyldyǵy men Jeltoqsan oqıǵasynyń 25 jyldyǵyna oraı qonys toıyn toılaıdy.
Baqyt BALǴARINA.
Almaty.