Parlament Senatynyń depýtattary Dáýren Ádilbekov pen Manap Kóbenov shildeniń 3-i men 12-si aralyǵynda Qytaıda bolyp, Halyq ókilderiniń búkilqytaı jınalysy Turaqty komıtetiniń Ortalyq Azııa depýtattary úshin uıymdastyrǵan semınarǵa qatysty, dep habarlaıdy Senattyń baspasóz qyzmeti.
Semınarǵa Qazaqstan, Qytaı, Qyrǵyzstan jáne Tájikstannyń zań shyǵarý organdarynyń ókilderi qatysty. Semınar aıasynda syrtqy saıasat, aımaq memleketteriniń ózara is-qımyldary, memlekettik basqarýdy jańǵyrtý, saýda-ekonomıkalyq qatynastar máseleleri talqylandy. Sonymen qatar, Sındao jáne Sıan qalalarynda jergilikti ókildi organdardyń depýtattarymen kezdesti, sondaı-aq Beıjińdegi, Shandýn jáne Shensı provınsııalaryndaǵy birqatar ındýstrııalyq, agroónerkásiptik jáne bilim berý mekemelerinde boldy.