Kórgen de armanda, kórmegen de armanda degendeı, Aqtóbede ashylǵan akvasaıabaq oǵan kelýshilerdi tań-tamasha qaldyryp otyr. Jas talǵamaıtyn, úlken-kishi dep bólmeıtin, aıyryqsha demalys orny qalanyń qaq ortalyǵynan oryn tepken.
Onyń jalpy aýmaǵy 3 gektardan asyp túsedi. Mundaǵy tóbeshigi bar basseınder men sýly attraksıondar onyń akvasaıabaq retindegi orny men mártebesin bıiktete túsedi. Dál osy baǵyttaǵy balalar aımaǵy bólek ornalasqan.
Aqtóbede ashylǵan aıyryqsha akvasaıabaqqa demalýǵa kelýshilerge barlyq jaǵdaılar jasalǵan. Munda kún saıyn myńnan astam adam tynyǵa alady. Búgingi kúni erekshe nysannyń jazǵy aımaǵyndaǵy qurylystar tolyǵymen aıaqtaldy. Áıtse de aldaǵy kezde ınvestısııalyq jobanyń ekinshi kezeńin iske asyrý kózdelgen. Soǵan sáıkes «TREE OF LITE» qurylys kompanııasy bul isti bastap ta ketti.
Akvasaıabaqqa kelip demalý aqyly túrde júrgiziledi. Áıtse de «Baqytty bala» óńirlik jobasy aıasynda munda az qamtylǵan, turmysy tómen otbasylardyń balalaryna tegin qydyryp, dem alý úshin sertıfıkattar berilgen. Jobaǵa salynǵan ınvestısııanyń jalpy mólsheri 5,8 mıllıard tenge quraıdy.
Temir Qusaıyn,
«Egemen Qazaqstan»
AQTО́BE