Búgin Úkimet úıinde QR Premer-Mınıstri Baqytjan Saǵyntaev Qazaqstannyń Úshinshi jańǵyrýyn jobalyq basqarý aıasynda osyǵan deıin atqarylǵan jumystardyń jaı-kúıi boıynsha keńes ótkizdi, dep habarlaıdy primeminister.kz.
Keńes barysynda birinshi jarty jyldyqtaǵy ósimniń negizgi kórsetkishteri jáne ınvestısııalar tartý, qorǵanys jáne aeroǵarysh ónerkásibi, salyq saıasaty, bazalyq ındýstrııa sekildi baǵyttar boıynsha odan ári damytý qorlary talqylandy. Sondaı-aq, Aqmola oblysy men Almaty qalasy ákimdikteriniń jobalyq basqarý máseleleri qaraldy.
Atap aıtqanda, qorǵanys jáne aeroǵarysh ónerkásibi mınıstri B.Atamqulovtyń jetekshilik etip otyrǵan salasynyń máseleleri, ınvestısııalar jáne damý mınıstri J.Qasymbektiń ınvestısııalar tartý jáne bazalyq ındýstrııalandyrýdy damytý, sonymen qatar qarjy mınıstri B.Sultanovtyń salyqtardy jınaýdy arttyrý boıynsha aǵymdaǵy jyldyń alty aıyndaǵy maqsatty ındıkatorlarǵa qol jetkizý boıynsha esepteri men ekinshi jarty jyldyqqa josparlary tyńdaldy.
Aqmola oblysynyń ákimi M.Myrzalın men Almaty qalasynyń ákimi B.Baıbek kólik jáne logıstıka, AО́K, týrızm, saýda, bilim, densaýlyq salalary, jappaı kásipkerlik, ındýstrııalandyrýdy júrgizý, sıfrlandyrý, ınvestısııalar tartý jáne nátıjeli jumyspen qamtýdy qamtamasyz etý boıynsha qabyldanǵan sharalar men 2018 jylǵa josparlary týraly baıandady.