Tolassyz jaýǵan jańbyr men sý tasqyny, laı kóshkini saldarynan Japonııada qaza tapqandar sany 204 adamǵa jetti, dep habarlaıdy eldiń bas polısııa basqarmasy.
Bul – keıingi on jylda bolǵan eń qaıǵyly apatqa aınalyp otyr. Ásirese, Okaıaama, Hıroshıma jáne Iаamagýchı aımaqtary orasan zalalǵa ushyraǵan.
Aıta ketý kerek, sońǵy ret sý tasqynynan munshalyqty kóp adam 1982 jyly qaza tapqan bolatyn. Tótenshe apattan zardap shekkenderdi qutqarý jumysyna 75 myńnan astam adam jumyldyrylǵan. Olardyń qatarynda órt sóndirýshiler, áskerıler de bar. Tipti, Japonııanyń premer-mınıstri Sındzo Abe de shet elge issaparyn keıinge qaldyryp, tasqynnyń saldarymen kúresýge bel sheshe kirisip ketti.
BBC arnasynyń habarlaýynsha, tasqyn bolǵan aýmaqtarda jaýyn ádettegiden birneshe ese kóp jaýǵan. Sondyqtan tasqyn sý boı bermeı, talaı jannyń ómirin jalmaǵan kórinedi.